GMN TV Politika KM aprova projetu rezolusaun nomea membru Konsellu Administrasaun ANATL

KM aprova projetu rezolusaun nomea membru Konsellu Administrasaun ANATL

1 views

Konsellu Ministru (KM), Kuarta (03/09/2020), aprova projetu rezolusaun Governu ne’ebé aprezenta husi Ministru Transporte no Komunikasaun (MTK), José Agustinho da Silva, kona-ba nomeasaun membru Konsellu Admistrasaun Aeroportu  no Navegasaun Áero Timor-Leste E.P ( ANATL) ba periodu tinan 2020-2024.

“KM aprova proposta rezolusaun Governu nian, ne’ebé aprezenta hosi MTK  kona-ba halo nomeasaun membru sira Konsellu Admistrasaun ANATL”, dehan Ministru Prezidensia Konsellu Ministru (MPKM), Fidelis Leite Magalhães, iha Palásiu Governu hafoin remata enkontru Konsellu Ministru (KM).

Ministru ne’e haktuir, membru hirak ne’e mak ho naran, José Trindade da Cruz Pinto, nomeia  ba kargu nu’udar Prezidente Konsellu Admistrasaun Empreza Públika ho nia vogal sira hanesan, Lurdes Gomes, Eusébio da Costa Lopes, nomeia liu hosi proposta MTK, Verísimo Nai Sai nomeia liu hosi proposta Ministériu Finansas (MF) no José Oliveira, liu hosi proposta traballadór sira nian.

“Hanesan ho ida ne’e, alende ne’e KM mós aprova proposta  ida tan hosi MTK kona-ba ezonera membru Autoridade Aviasaun Sívil Timor-Leste (AAS-TL), liu-liu Prezidente hodi nomeia fali Prezidente foun”, afirma  Fidelis Leite Magalhães.

Governante ne’e hatutan, KM nomeia Eusébio Freitas, ba kargu nu’udar Prezidende Konsellu Admistrasaun ba Organizasaun ne’ebé iha nia misaun atu garante sistema seguransa transporte Áero ho nia kargu vogal sira iha AAS-TL hanesan, Domingos Savio de Jesus Sarmento, liu hosi proposta MTK no Geovano Henriques, liu hosi proposta MF, hodi troka sira ne’ebé antes ne’e KM ezonera.

“Motivu hosi ezonerasaun ne’e bazea ba avaliasaun hosi MTK katak, ho razaun tékniku, entaun presiza atu halo mudansa, nune’e aviasaun sivíl iha Timor-Leste bele la’o ho diak”, Fidelis. Fel 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker