Ministru Agrikultura no Peska (MAP), Pedro Reis, informa, MAP halo ona koordenasaun ho Ministériu Negósiu Estranjeiru no Kooperasuan (MNEK), nune’e bele lori fila formandu Timor-Oan sira iha Israel.
“MAP halo komunikasaun ho MNEK, la’o hela, so que foin la-lais atu mai iha asuntu administrative, maibé kontinua halo negosiasaun oinsa atu sira na’in 72 fila mai. Ami nia komunikasaun la’o hela ho MNEK”, Ministru ne’e ba jornalista sira, Kuarta (23-09-2020.
Governante ne’e subliña katak, tuir loloos formandu agrikultura iha Israel lori fila tiha ona, tanba de’it kestaun administrativa to’o ohin loron seidauk fila, maibé Governu kontinua esforsu sei lori sira fila mai.
Formandu Timor-Oan sira ne’e dezloka ba Israel iha tinan 2019, liu husi MAP nia polítika atu fó koñesimentu ba juventude sira kona-bá oinsa moderniza agrikultura.
Enkuantu antes ne’e, liu husi mensajen ne’ebé GMN asesu husi formandu 72 iha Israel lamenta ho deklarasaun Ministra Negósiu Estranjéiru no Kooperasaun (MNEK) Adalgiza Magno, tanba hateten, estudante hirak ne’e labele hetan subsídiu, tanba sira kategória bolseiru ne’ebé fulan-fulan hetan osan husi Governu.
Maibé realidade Governu halo de’it akordu no buat hotu sira rasik mak fasilita hanesan osan hodi sosa billete aviaun, hela fatin no ai-han durante ne’e, inklui osan ba formasaun ni’an. ety
