GMN TV Politika Militante KHUNTO ho partidu seluk afilia ba PLP

Militante KHUNTO ho partidu seluk afilia ba PLP

0 views

Porta Voz, Antonio dos Santos Tavares, hatete, militante hamutuk 5000 husi partidu CNRT, KHUNTO no PST, afilia ba Partidu Libertasaun Popular (PLP).

“Ami Joventude husi munisípiu Baucau, Viqueqeu, Bobonaro, Liquiça, Aileu, Ermera, Suai, Ainaro, reprezenta juventude husi munisípiu hirak ne’ebé mai temi ona deklara katak prontu fo apoiu ba PLP iha Eleisaun Parlamentar 2023, ami prontu atu servisu hamutuk husi estrutura nasionál, munisípiu no ba to’o iha baze oinsa mak bele influensia votus hodi hasoru eleisaun jeral 2023”, dehan Porta Voz, Antonio dos Santos Tavares ba Jornalista sira, liu husi konferensia imprensa ne’ebé halao iha eis edifísiu World Vision, CaiColi, Díli (12/09/2020).

Nia afirma, polítika ne’e dinámika, demokrasia la taka dalan ba se deit. “kuandu koalia kona-ba polítika atu koalia kona-ba muda ema nia moris, sira hotu hotu reforsa, sira ho inisiativa rasik suporta PLP, tanba haree ba PLP iha figura ida mos iha laran, laos deit CNRT mak iha, mais PLP mos iha”.

“Ita nia nasaun ne’e opta demokrasia, buat ida polítika ne’e kan dinamika, tanba koalia kona-ba partidu koalia kona-ba ema nia moris, la’os ba para sekedar harame deit, ema ne’e ba partidu mak sente la diak, lei fo dalan atu nia ba fali partidu seluk, tanba demorasia nia lalaok mak hanesan ne’e, mai iha 5 mill pessoas perkore munisípiu 12, inklui RAEOA”, realsa Antonio.

Vise Prezidente Partidu Libertasaun Popular, Demetrio Amaral, hatete, estrutura munisípiu Díli realiza enkontru alargada ida, iha reprezentasaun husi entidade lubuk ida, husi figura importante balun ne’ebé hola parte iha forsa polítika seluk, ne’ebé desididu reforsa PLP, tanba hotu-hotu hatene iha PLP iha figura importante ida iha prosesu luta ba rezisténsia nasionál, ohin hanesan Xefe Ezekutivu.

“Sira karik haree ne’e hanesan reprezentasaun sira-nia futuru, sira mai hamutuk ho PLP atu reforsa, vitoria bo’ot liu tan ba PLP iha kampaña 2023 mai, hadia moris ema hotu hamutuk servisu ho misaun koletivu ida, ne’e la’os misaun partidu ida deit, ne’e misaun koletivu ida transforma sai hanesan misaun Estadu ninian, tanba ida ne’e mak mosu partidu polítiku sira, bainhira partidu polítiku sira eziste hodi define programa orsamentu, prosesu sira ne’e hotu mak kontribui ba moris diak Estadu nian, moris diak sidadaun ninian”, tenik Demetrio. Oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker