GMN TV Politika MPRM: Laiha nesesidade halo revizaun ba relatóriu FM husi maun Xanana

MPRM: Laiha nesesidade halo revizaun ba relatóriu FM husi maun Xanana

1 views

Ministru Petróleu Rekursu Minerál (MPRM), Vitór da Conceicão Soares, hateten, laiha nesesidade atu halo revizaun ba relatóriu delimitasaun Fronteira Marítima (FM) ne’ebé nia rezultadu servisu husi líder nasional Kay Rala Xanana Gusmão nian to’o manan Austrália.

Deklarasaun eis xefe negosiadór ba FM, Kay Rala Xanana Gusmão, nian iha Sábadu, loron 12 liu ba, iha salaun Katedrál, Vila-Verde, Díli, katak, Ministru Petróleu Rekursu Minerál (MPRM) foun, presiza halo revizaun ba relatóriu Fronteira Marítima, ne’ebé Governu anterior dezenvolve ona.

Xanana mós husu Governante foun ne’e, atu labele politíza asuntu refere, tanba ne’e asuntu interese nasionál.

“Tanba ne’e ha’u konvida Governu konvida lideransa partidu no ita nia sosiedade sívil atu halo aprezentasoens públika lubuk ida ne’ebé hala’o tiha ona revé fali tok estudus no relatóriu ne’ebé dezenvolve tiha ona iha tinan hirak ne’e kona-ba aspetus tékniku no komersiais kona-ba projetu tasi mane ni’an no kona-ba opsaun soberana  ni’an lori kadoras mai Timor-Leste ba MPRM foun ha’u rekomenda atu reflete didiak molok polítiza situasaun tanba ida ne’e asuntu interse nasionál, karik ministru foun ne’e iha maturidade polítika”.

Hatán ba deklarasaun ne’e, MPRM, Vitór da Conceicão Soares, hateten, laiha nesesidade atu halo revizaun ba relatóriu fronteira marítima ni’an.

Governante ne’e esklarese, Oitavu Governu la polítiza Fronteira Marítima no konsidera nafatin eis xefe negósiador nia deklarsaun ne’e.

Tuir MPRM, Governu ne’e la polítiza greater sunrise, tanba Governu ne’e hala’o serbisu tuir konstituisaun RDTL.

Vitór da Conceicão afirma, sei dada gazodutu mai Timor-Leste, tanba asuntu refere definidu ona ho Governu Austrália.

“Revizaun ba relatóriu delimitasaun fronteira ha’u hanoin ne’e ita nia maun bo’ot mak hakarak koalia lahatene intensaun saida mais ha’u hanoin seida’uk iha Governu ida ne’e ou nein partidu iha Governu partidu plataforma entendimentu ha’u seidauk rona ejijensia ida para atu halo fali revizaun ba delimitasaun fronteira, delimitasaun fronteira ne’e, ita hotu hatene katak ne’e kauza nasionál ne’ebé ita hotu-hotu durante ne’e aspira ou ita hotu durante ne’e hanoin para atu halo to’o desizaun ne’e 2030 kuandu dada ba Austrália delimitasaun ne’e definidu tiha ona nesesidade saida ha’u hanoin ne’e ita gasta de’it enerjia hira tempu hira i osan milloens hira mak hodi rezultadu ida ne’e ita laiha nesesidade para atu halo revizaun delimitasaun fronteira ha’u hanoin laiha nesesidade”, MPRM ne’e ba GMN iha nia edifísiu Fomento, Segunda (14/09).

Vitór haktuir, rezignasaun eis Xefe Negósiadór ba Delimitasaun Fronteira Marítima, Kay Rala Xanana Gusmão, ni’an, la fó impaktu atu dada gazodutu mai Timor-Leste, tanba termina ona nia prosesu ho Austrália no agora presiza atu tau de’it ekipa tékniku hodi halo serbisu. Ina


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker