Primeiru Ministru (PM) nudar mos Ministru Interior, Taur Matan Ruak, fó orientasaun ba Vise Ministru Interior, António Armindo, no Sekretariu Estadu Protesaun Sivíl, Joaquim Gusmão dos Reis, atu servisu tuir dalan legál iha ezekusaun orsamentu.
“Ami mai atualiza informasaun kona-ba, horseik aprezenta OJE tinan 2020 ba komisaun B Parlamentu Nasionál (PN), no PM fó orientasaun atu ami kontinua servisu ho diak no tuir dalan legál, atu nune’e labele hamosu problema,” dehan, Vise Ministru Interior, António Armindo, iha Palásiu Governu, Sesta (25/09/2020).
Governante ne’e esplika, Orsamentu Jeral Estadu (OJE), tinan 2020 ne’ebé aloka ba MI tokon USD13 no ba iha PNTL tokon USD32 ida ne’e sei uza ba selu dívidas, PNTL, MI no protesaun sivíl, maibé, iha protesaun sivíl alende selu dívidas, ita sei tau mós atensaun ba iha dezastre naturais.
António reforsa liutan, MI no protesaun nia dívidas hamutuk tokon USD13 no dívidas PNTL nian hamutuk tokon USD2 dívidas PNTL nian mak hanesan, manutensaun no internet no dívidas hirak ne’e hahú husi tinan 2015 to’o agora.
“Ita selu hotu dívidas hirak ne’e, atu nune’e ba tinan 2021 ba oin, ita prevé orsamentu hodi foka liu ba dezenvolvimentu,”relata, Vise Ministru Interior.Cin
