GMN TV Politika PN husu Governu renova pasaporte estudante iha rai-liur

PN husu Governu renova pasaporte estudante iha rai-liur

0 views

Xefe bankada PD, deputadu António da Conceição Kalohan, husu ba Governu, atu halo renovasaun pasaporte ba estudantes bolseirus ho naun bolseirus ne'ebé iha hela estranjeiru, nune'e bele garante estudante hirak ne'e nia estudu la'o ho di'ak.

Eis ministru edukasaun ne'e haktuir, dadaun ne’e estudantes Timor-oan barak iha estranjeiru mak hasoru problema kona-ba validasaun pasaporte, tanba labele fila hodi renova iha âmbitu pandemia COVID-19, liu-liu nasaun sira ne'ebé seidauk estebelese Timor-Leste nia embaixada.

"Problema ne’ebé mós mak estudante barak iha rai-liur hasoru mak  pasaporte, ne'ebé balun kuaze durasaun de 1 ano, nune’e sira laiha posibilidade atu fila, entaun pasaporte mós la válidu ona, ida ne'e inklui ba sira nia estadia iha ne'ebá, karik Ministériu Negósiu Estranjeiru no Kooperasaun (MNEK) hola medidas ruma, oinsa mak atu bele estende validade pasaporte sira ne'e hodi bele garantia sira nia estadia iha rai-liur, tanba ida ne’e ligadu ho servisu imigrasaun ne’ebé mak ho kondisaun ida atual ne'ebé labele atu aranza sira nia passaporte nia validade nian", afirma António Kalohan iha plenária komisaun permanente nian, Kuarta (02/09/2020).

Alende ne'e, deputadu bankada FRETILIN, Marito Mota mós husu ba Governu atu buka mekanizmu oinsa, prosesu iha fronteira labele afeta liu tan kondisaun estudante sira ne'ebé atu fila mai, tanba estudante barak mai hein iha Atambua kuaze semana rua atu tama mai.

”Ha’u haree ida ne’e sai problema bo’ot liu tan, aumenta ita nia sidadaun sira ne’ebé mak foin lalais ne’e mai, sira tenke toba iha Atambua semana ida, ita haree katak prezudika teb-tebes, tanba sira mai ho kondisaun osan neebe limite tebes, ne’ebé sira husu para kondisaun ida ne’e atu kontinua”, dehan deputadu Marito Mota.

Hatan ba asuntu ne'e, reprezentante Governu, Sekretáriu Estadu Komunikasaun Sosial (SEKOMS), Mericio Akara, rekoñese situasaun ne'e sei implika sidadaun balun ne'ebé atu fila.

"Ami rekoñese iha impaktu balun liu-liu hanesan ohin ita nia deputadu mensiona, impaktu ida mak konsentrasaun estudante ka ita nia sidadaun sira konsentra fali iha Atambua, ami hanoin governu sei konsidera ida iha nível tékniku, depois MNEK, saúde ho edukasaun sei koordena nível tékniku para oinsa fo solusaun", responde Governante ne'e.

Deputadu sira kinta lejislatura, liu hosi plenária estraórdinaria Kinta (03/09/2020) ne’e, aprova ona pedidu estensaun Estadu Emerjénsia (EE) ba dala 4 ho votus a favór 40, kontra 0 no abstensaun 7 hosi deputadu bankada CNRT. Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker