GMN TV Politika PN konsidera OJE 2020 laiha benefísiu ba povu

PN konsidera OJE 2020 laiha benefísiu ba povu

0 views

Prezidente Komisaun C Parlamentu Nasional (PN) trata asuntu ekonomia, finansa, Maria Ángelica Rangel, hateten, Orsamentu Jeral Estadu (OJE) tinan 2020 laiha benefísiu ba povu, tanba durante fulan 8 Governu uza de’it orsamentu doudésimu hodi sustenta mákina Estadu, inklui selu saláriu vensimentu no bens servisu.

“Ha’u hakarak dehan katak, kuandu OJE tinan 2020 la pasa tanba xumba iha Parlamentu Nasionál (PN), signifika orsamentu ne’e nia benefísiu ba povu laiha”, dehan deputada bankada FRETILIN ne’e bainhira partisipa iha Talk Show FONGTIL ho tema “Benefísiu OJE 2020 ba povu”, Kuarta (09/09/2020), iha Caicoli-Díli.

Deputada ne’e afirma, PN konsidera OJE 2020 benefísiu ba povu laiha, tanba Governu uza orsamentu doudesimal hodi sustenta de’it mákina Estadu no gasta de’it ba despeza rekorente hanesan selu saláriu vensimentu no bens servisu no povu sei kontinua halerik ba problema infraestrutura hanesan, estrada, bee-moos, eletrisidade, edukasaun seidauk iha kualidade no problema saúde rasik.

“Maibé ita haree no hein took iha OJE tinan 2021, benefísiu direta ba povu ne’e iha ne’ebé? tanba konforme hosi Governu koalia katak, Governu sei lori OJE 2021 ni’an ba PN iha loron 15, fulan Outubru no hosi ne’e mak, ami bele haree nia alokasaun OJE ba benefísiu ba povu ne’e iha ne’ebé”, dehan tan.

Reprezentante Sosiedade Sivíl, La’o Hamutuk, Elizaria Gomes, hateten, OJE 2020 sai hanesan instrumentu ne’ebé finansia hodi realiza kompromisu hirak ne’ebé Governu hatúr ba povu sira, maibé iha preokupasaun bo’ot mak OJE reflete no koresponde duni ka lae ba iha nesesidade povu ni’an.

“Tanba ita hatene katak, levantamentu presentajem bo’ot Governu halo ona dezde tinan 2008 to’o ohin loron, ezemplu kiik ita haree hosi relatóriu atividade sira ne’ebé fó retornu hanesan atividade setór produtivu iha agrikultura, tuir relatóriu agrikultura produsaun foos iha tinan 2019 iha de’it tonelada 47, entaun ita kompara ba tinan 2008 laiha diferensa signifikativu, tanba iha tinan 2008 produsaun foos iha rai laran ho de’it 48”, afirma Elizaria.

Nia afirma, iha tinan 2019 produsaun batar iha de’it tokon 75 no sé halo komparasaun iha tinan 2015 produsaun batar iha tokon 95, entaun haree katak produsaun batar tun fali, agora sé fó sai ba públiku OJE 2020 benefísiu ba setór produtivu sira, realidade rezultadu ida ne’e mak hatudu.

“Iha fali parte seluk, ita haree ba peskiza hosi Ajensia Internasionál sira iha haree integridade seguransa ai-han Timor-Leste 36 porsentu populasaun iha hela inseguransa ai-han króniku no iha parte seluk ita haree fali hosi probreza multidimensional mós nafatin ho 41 porsentu kompara ho relatoriu ne’ebé fó sai hosi Governu, inklui Ajensia Internasionál hanesan UNDP iha tinan 2019, entaun hosi ne’e mak ita foin hatene katak, OJE ne’ebé sai hanesan instrumentu benefísia duni ka lae ba povu”, haklean Reprezentante Sosiedade Sivíl ne’e.

Nune’e mós, Prezidente Konsellu Konsultivu Fundu Petrolíferu (KKFP), Juvinal Dias, haktuir, asuntu iha debate ne’e koalia kona-ba, oinsa garante OJE ba dezenvolvimentu ekonómia maibé mós tenke garante sustentabilidade fundu petrolíferu ba futuru jerasaun.

“Ita gasta osan barak iha tinan 10 ikus ne’e, maibé povu sei enfrenta hela pobreza, problema dezempregu no seluk tan, entaun ami hanoin katak, Governu presiza muda nia paradigma dezenvolvimentu nian  katak tenke orienta ba ema. Ita haree tinan-tinan ita fó hela osan balun ba povu  sei ita haree orsamentu rekorente bo’ot liu do que orsamentu kapital”, subliña Juvinal.

Nia hatutan, karik diak ba Governu atu hahú ona valoriza despeza rekorente ne’e ba ekonómia ezemplu, labele fó de’it osan ba povu, maibé la kria kondisaun ekonómika atu bele absolve fila-fali osan sira ne’ebé gasta, tanba kuandu Governu bele absolve osan sira ne’e hosi povu, automatikamente bele ajuda kresimentu ekonómiku rai-laran.

Entretantu, Orsamentu Jeral Estadu tinan 2020 ho montante Billiaun USD 1.668, ne’ebé la pasa iha Parlamentu Nasionál iha fulan Janeiru tinan ne’e, bainhira Governu lideradu hosi Primeiru Ministru, Taur Matan Ruak, halo diskusaun iha faze jeneralidade. fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker