GMN TV Politika PPN: dezentendimentu polítiku-COVID-19 fó impaktu ba povu nia moris

PPN: dezentendimentu polítiku-COVID-19 fó impaktu ba povu nia moris

0 views

Prezidente Parlamentu Nasionál (PPN), Aniceto Guterres, konsidera, dezentendimentu no diverjénsia polítika, inklui surtu Corona Virus Disease 2019 (COVID-19) fó impaktu ba povu nia moris sosiál no ekonómiku.

Tanba ne’e, ho situasaun ne’e halo mandatu Parlamentu Nasionál (PN) Kinta Lejislatura, Líder Órgaun Lejislativu no partidu sira ne’ebé iha asentu parlamentár todan iha tinan hira nia laran.

“Halo mandatu todan tinan hirak liu ba la’ós mai ha’u de’it nu’udár PPN, maibé ba deputadu ida-idak ba partidu iha asentu parlamentár PN nu’udár órgaun kolejiál, hodi reprezenta povu tomak. PN nu’udár fatin sentrál ba atividade polítika, desizaun boot lubuk ida iha Estadu konjuga vontade hanoin kona-bá dezenvolvimentu nasionál no enkuadramentu Timor-Leste iha konvivénsia rejionál no internasionál“, Xefe Órgaun Lejislativu ne’e ne’e iha ninia diskursu sesaun solene abertura ba PN Terseira Lejislatura ba  Kinta Lejislatura, Tersa (15-09-2020).

Maibé Aniceto husu ba PN atu servisu maka’as hodi halakon frakeza, liga ba área akompañamentu no fiskalizasaun lejislativa husi Governu.

PN mós tenke sai fatin ba komunikasaun, diálogu, debate franku no onestu, sentidu Estadu no altroismu, interese nasionál, sai fatin rekonsiliasaun, hodi konsentra esforsu interese komum, konsolidasaun Estadu Direitu Demokrátiku, estabilidade no prospriodade nasionál, konsertasaun no konsentrasaun.

Tuir Aniceto, esforsu hirak ne’e presiza enkuadra nafatin iha poder lejislativu, desizaun polítika fiskadora ne’ebé konstituisaun atribui ba PN.

Sesaun solene PN ne’ebé abertura husi Prezidente Repúblika (PR), Francisco Guterres “Lú Olo”, ne’e bankada opozisaun CNRT deside walk out ka sai tiha husi plenária, hafoin Vise Xefe bankada Patrocínio Fernandes halo tiha deklarasaun polítika.

CNRT hili walk out molok bankada FRETILIN halo deklarasaun polítika no Prezidente Repúblika (PR) hato’o diskursu abertura ba PN terseira lejislatura ba kinta lejislatura. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker