GMN TV Politika PR sei halo abertura III sesaun lejislativa iha PN

PR sei halo abertura III sesaun lejislativa iha PN

0 views

Prezidente Repúblika (PR), Francisco Guterres Lú Olo, sei abertura III sesaun lejislativa ba deputadu sira V lejislatura iha Parlamentu Nasionál, (PN) semana oin, hafoin deputadu sira termina sesaun resesu.

Sekretária Meza PN, Lídia Norberta dos Santos, informa, alende abertura sesaun solene ne’e, PN mós sei simu aprezentasaun proposta Orsamentu Jerál Estadu (OJE) tinan 2020.

“Ajenda ne’ebé diskute ba reuniaun plenária ohin loron mak abertura sesaun lejislativa foun III sesaun lejislativa, tanba Setembru agora sei iha lejislativa foun, sei marka prezensa hosi PR, sei mai halo abertura ba sesaun solene ne’e”, informa deputada Lídia Norberta dos Santos ba jornalista iha PN, Kinta (10/09/2020).

Alende ne’e, líder bankada mós sei halo apresiasaun ba kalendáriu lejislativu ne’e mak sei hala’o durante sesaun lejislativa iha tuir mai ne’e, hosi fulan Setembru to’o Dezembru ba atividade sira ne’ebé mak PN sei halo.

“Iha mós leis lubuk ida mak sei diskute iha faze jeneralidade ho espesialidade, hanesan lei de migrasaun no azílu, lei sistema de saúde ne’ebé mak agora dadaun iha faze diskusaun no sei tau iha diskusaun no votasaun jeneralidade iha tempu tuir mai”, esplika deputada Lídia.

Nune’e mós iha konferensia reprezentante bankada Parlamentár sei diskute kona-bá projetu lubuk ne’ebé iha ona akordu ho parte UNDP ne’ebé atu implementa.

“Ami mós ko’alia kona-bá ante projetu lejislativu sira ne’ebé mak halo iha ámbitu reforma setór justisa nian, iha ne’ebá iha parséria PN ho UNDP, ne’ebé mak sei halo ante projetu 7, alende ne’e sei foka mós ba projetu foun seluk ne’ebé mak  relasaun ho revizaun ba kódigu penál ho kódigu prosesu penál ne’e rasik.

Nia haktuir, sei ko’alia mós kona-bá alterasaun deliberasaun PN ba komisaun espesializada permanente nian, ne’ebé mak nia kompozisoens ne’e sei hetan mós alterasaun uitoan, tanba iha sesaun lejislativa ida ne’e, iha prezidente rua, entaun prezidente sesante nia inkluzaun iha komisaun ne’e mós importante.

“Iha loron 15, fulan ne’e mós sei simu OJE 2020 nian, no sei iha mós informasaun balun kona-bá veto PR nian ba lei protesaun sivíl no sei halo mós lejislatura ba desizaun PR nia promulga lei medidas prevensaun no kombate korupsaun. No sei iha mós rezolusaun rua hosi Grupu Mulheres Parlamentares Timor-Leste (GMPTL).

Rezolusaun rua ne’e, ida kona-bá kazu soe bebé no ida seluk kona-bá vítima pasada hahú hosi funu 1974 to’o mai 1999 nian.

Sesaun resesu ba deputadu sira iha kinta lejislatura, ne’ebé hahú dezde loron 31, fulan Jullu ne’e, sei termina iha loron 14 fulan Setembru ne’e. Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker