GMN TV Politika RNDJK: PR Lú Olo laiha responsabilidade morál ba povu

RNDJK: PR Lú Olo laiha responsabilidade morál ba povu

0 views

Grupu Rezisténsia Nasionál Defende Justisa no Konstituisaun (RNDJK) RDTL, konsidera Prezidente Repúblika (PR), Francisco Guterres Lú Olo,  laiha responsabilidade moral ba ninia povu, liu-liu la esplika kona-ba violasaun konstituisaun ne’ebé PR rasik halo hodi hamoe Estadu direitu demokrátiku hanesan Timor-Leste iha mundu internasionál.

Porta voz RNDJK, Ângela Freitas, husu ba PR atu esklarese situasaun polítika atuál ne’ebé ohin loron seidauk rezolve, ne’ebé nia rasik mak kria.

Razaun Ângela husu ba  Xefe Estadu  RDTL atu esplika loloos, tanba saída mak to’o ohin loron  impase polítiku iha rai-laran labele rezolve, ne’e atu povu  bele hatene.

Porta voz RNDJK ne’e lia tun tan katak, PR ka na’i-ulun sira viola tiha ona konstituisaun RDTL, hodi halo ema internasionál sira lakon konfiansa ba nasaun Timor-Leste.

“Na’i-ulun sira viola tiha ona konstituisaun no situasaun rai-laran sei grave, tanba ita haree husi orsamentu ne’ebé sira sei aprezenta iha Parlamentu sei prejudika mós atu asesu ba orsamentu rasik. Tanba ita haree katak violasaun konstituisaun ne’ebé akontese iha Parlamentu hatudu katak la fó garantia ba internasionalmente atu bele fó konfiansa ba ita-nia Estadu ne’e atu jere orsamentu povu nian. Ita haree husi PR iha Parlamentu Nasionál hatudu momoos katak, PR laiha vontade, laiha  responsabilidade  moral nem um hasoru povu ida ne’e. Tanba  ne’e duni  RNDJK  lamenta tebes. Husi parte ida ita  haree PR viola tiha ona konstituisaun dezde inísiu no to’o ohin loron  ita haree ita-nia Governu ne’e la’o, maibé ilegalmente, inkonstitusionál. Tanba  ne’e duni sira la fó garantia ba Banco Federal América atu fó konfiánsa jere povu nia osan. Ida ne’e ita labele kondena fali ema seluk ba ita-nia aktus ne’ebé kontra konstituisaun durante ne’e. Timor-Oan hotu tenke alerta hodi akompaña situasaun ne’e ho kle’an atu hatene diak liu tan oinsá mak atu priense rekezitu oinsá mak bele asesu ba osan ne’e rasik”, Porta voz RNDJK ne’e ba jornalista sira, Kuarta (16/09/20), iha edifísiu RNDJK Bairu-Formoza, Díli.

Ângela Freitas haktuir, “Dezde inísiu RNDJK hateten, konstituisaun nu’udár baze legál ne’ebé proteje direitu sidadaun, polítika, ekonomia, sosiál no mós kulturál. Se ita-nia Xefe Estadu mak viola tiha ona konstituisaun, ita rasik duni mak fó dalan ba internasionalmente la fó konfiansa ba Estadu ida ne’e”.

Ângela Freitas, akresenta, durante ne’e  nia koalia iha públiku hodi defende Estadu direitu demokrátiku, laiha ema ruma mak fó apoiu.

Nune’e mós durante Grupu RNDJK RDTL uza Komandante em Xefe FALINTIL, Kay Rala Xanana Gusmão nia foto taka iha ninia rezidénsia RNDJK Formoza-Díli, ne’e tanba Xanana Gusmão nu’udar simbólu unidade nasionál ba povu Timor-Leste tomak.

“Iha ne’e ami tau figura ita-nia Komandante Em Xefe FALINTIL, Kay Rala Xanana Gusmão, ne’e nia hanesan simbólu unidade nasionál. Ida ne’e não tem a ver katak nia apoiu ami. Tanba durante ne’e ema barak fó komentáriu oi-oin loos, maibé ami iha prinsípiu no ami tane aas konstituisaun”, dehan Ângela.

Porta Voz RNDJK ne’e promete iha tempu besik mós grupu refere sei hala’o manifestasaun kontra Estadu kona-bá formasaun Oitavu Governu ne’ebé mak lidera husi Taur Matan Ruak no Grupu RNJDK RDTL sei hato’o petisaun ba PR. avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker