GMN TV Politika Somotxo: F-FDTL asegura povu no nasaun

Somotxo: F-FDTL asegura povu no nasaun

0 views

Prezidente Komisaun B, Trata Asuntu Seguransa no Negósiu Estranjeiru no Kooperasaun, José Agostinho Sequeira ‘Somotxo’, konsidera, membru Falintil Forsa Defeza Timor-Leste (F-FDTL) nia prezensa iha Ângela Freitas nia rezidénsia hodi halo vijilansia atu bele asegura povu no nasaun, maibe bankada CNRT lamenta ho vijilansia ne’ebé F-FDTL hala’o.

“Ha’u hanesan deputadu,  membru Parlamentu Nasional ninian, reprezentante Povu ninian, Prezidente Komisaun Defeza Seguransa Negosiu Estranjeiru ninian, ami iha ne’e presija relatoriu ruma, tanba prezensa forsa ninian hanesan asaun ida ne’ebé estataniu quer dizer derepenti mosu,  ne’ebé mai hotu iha ne’e la hatene, horseik (Horbainrua) to’o fali iha Facebook mak ita hatene,  ne’ebé nu’udar Prezidente Komisaun B, Defeza no Seguransa ninian ha’u atu koalia saida ba públiku ? se ha’u koalia sik sik deit  ne’e ha’u sala, tan ida ne’e mak prezensa forsa nian iha Ângela Freitas nia rezidensia ka nia sede hanesan buat tomak ida mai ha’u”, dehan Prezidente Komisaun B José Agostinho Sequeira ‘Somotxo’ ba Jornalista sira, Kuarta (02/09/2020), iha Parlamentu Nasional.

Nia afirma, tanba rai ida ne’e nia independensia no soberania, ne’e mos hanesan hotu-hotu iha dever no obrigasaun ba estabilidade. no hakarak halo estudu ida kona-ba violasaun konstituisaun, ne’e permanente governante sira viola hela, tanba povu nia moris ne’e la’os iha konstituisaun, insfraestrutura no buat hotu diak ne’e  la’os iha konstituisaun, maibe violasaun konstituisaun ne’e saida? se hakarak kolaia kona-ba dezenvolvimentu povu ida ne’e nian, hotu hotu viola konstituisaun.

“Tanba iha konstituisaun hatete, governante iha responsabilidade atu dezenvolve rai ida ne’e, povu ohin loron presiza bee,  presiza buat hotu hotu, se mak responsabilidade ida ne’e, ne’e la’os ita vioa konstituisaun, depende hotu tanba ema ida idak estadu ne’e hatene militar sira hatene, ema foun, hanesan ema foun, foin organiza manifestasaun, hanesan figura sira Ângela Freitas, Estadu ho forsa armada la bele dukur”, subliña Somotxo.

Nia akresenta, kona-ba manifestasaun ne’e laiha ema ida impede, maibe ema sira repete nafatin ne’e, Estadu la bele matan tomak ba ida ne’e.

“Manifestasaun ne’e normal, maibe forsa sira ne’e iha intelijensia, informasaun tomak ne’e imi jornalista sira mos la hatene, tanba saida mak medida sira ne’e  mosu ne’e sira hatene, tanba rai ida ne’e nia seguransa iha sira-nia liman laran, tanba ne’e ha’u hanoin medida sira ne’ebé toma ne’e hanesan medida prevensaun, aban bainrua fosas armadas mos ulun fatuk sei moras,  buat hotu hotu sei dun ba forsa armadas, diak liu medidas prevensaun iha para aban bainrua la bele hanesan buat ida todan liu ba ita nia rai, poque ha’u haree ida ne’e pergiu ida iha ne’e, perigu ne’e aban bainrua imi sei haree, tanba forsa armada ne’e la’os dukur iha nia kuartel, Ângela deit ne’e laiha problema ne’e nia bele haksoit tun iha estrada laiha problema, maibe keta hanesan buat ruma mosu iha rai ne’e atu ita hotu tur la hakamatek, tanba ne’e mak responsabilidade polisia no forsa armada nian garante estabilidade no paz”, akrezenta Somotxo.

Sorin seluk, Deputadu opozisaun bankada CNRT, Patrocinio Fernandes, haktuir, atitude F-FDTL nian hodi halo serku iha rezidénsia Ângela Freitas nian lamentavel tebes, tanba nu’udar nasaun demokrátiku, povu no sidadaun hotu garantidu ho konstituisaun Repúblika, F-FDTL no PNTL nian hanesan lutu nasaun nian. Tuir nia haree, lolos ne’e  povu ka sidadaun ida iha direitu atu ejize ba instituisaun rua ne’e atu asegura no proteje sidadaun sira nia liberdade, atu espresa sira-nia hanoin no opiniaun, tanba konstituisaun no lei inan garante.

“Ho akonstesimentu sira ne’e lori mai ita hotu hotu, laos deit partidu polítiku, media hotu hotu hanesan reflesaun ida ba ita hodi haree liberdade espresaun iha pais demokratiku ne’e bele la’o ka lae? tanba lei asegura fo direitu ba povu hotu, ba ha’u haree ne’e hanesan preokupadu oituan ho situasaun sira hanesan ne’e. Ne’e sinal sira ne’ebé hatudu katak, komesa limita liberdade hato’o sira-nia opiniaun no hanoin ba públiku, sira atu halo kontrolu sosial ba lalaok Estadu nian”, tenik Patrocinio. Oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker