GMN TV Politika TL selebra loron internasionál Ar Moos ba dahuluk

TL selebra loron internasionál Ar Moos ba dahuluk

0 views

Sekretáriu Estadu Ambiente, Demétrio de Amaral do Carvalho, hatete, foin ba dahuluk Timor-Leste (TL) selebra loron internasionál Ar Moos ba Lalehan Azul, ne’ebé kada tinan mundu selebra.

Nune’e iha tinan ne’e, Governu desidi tema nasionál ba loron refere maka, “Mai Ita Proteje Ita-Nia Ar Limpu, Ne’ebé Mos Ba Ambiente Saudavel Agora No Ba Futuru”.

“Selebrasaun ba loron, bolu dehan Clean Air for Blue Skies, katak Ar ne’ebé moos ba lalehan ne’ebé azul, ita dehan ita selebra maibe Timor-Leste la’os iha gravidade polusaun ar, ita-nia kualidade ambiente, liu-liu liga ho Clean Air, Timor-Leste sei tama hela iha zona ida ne’ebé diak”, dehan Demétrio do Amaral ba Jornalista sira, Segunda (07/09/2020), iha eis Edifísiu Embaixada Portugal Acait, Díli.

Nia afirma, hanesan solidariedade ho nasaun hotu iha mundu, ba selebra loron dahuluk nian ba Clean Air for Blue Skies, Timor-Leste hakarak pronunsia kontribuisaun sira ba promove ar moos iha Timor-Leste.

“Ida primeiru maka ita ratifika konvensaun sira kona-ba hahú kedan husi 2006 no 2007, ita ratifika konvensaun importante tolu hanesan, konvensaun ba alterasaun klimátika, kovensaun ba biodiversidade no konvensaun dizertifikasaun, fo ba Timor-Leste asoens sira hotu hodi halo tuir prinsípiu dezenvolvimentu sustentavel, tanba konvensaun 3 maka koñesidu hanesan konvensaun Rio,  ne’ebé ikus mai sai plataforma mundial ba dezenvolvimentu sustentavel”, realsa Demétrio.

Nia akresenta, Governu Timor-Leste finaliza tiha ona planu dezenvolvimentu estratéjiku ne’ebé pronunsia tarjetu lubuk ida. Tarjetu ida primeiru mak tinan tinan hakarak kuda ai millaun ida iha Timor-Leste.

“Ita-nia kódigu penal forte tebes iha artigu 215 to’o 221 deskreve kona-ba krime ambiental sira, sunu-rai nu’udar krime ambiental ida, tesi-ai arbiru, hasai espesie sira husi ninia natureza ne’e  krime ambiental. Krime ambiental ne’e  todan, bele kastigu tinan 3 no hetan multa ba entidade singular  no entidade koletiva bele hetan pena todan liu tan, ne’ebé kastigu tinan barak liu tan, no multa to’o 500 mill dolares”, tenik Demétrio. Oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker