GMN TV Politika Alkatiri: Ma’huno sai luta povu tomak nian

Alkatiri: Ma’huno sai luta povu tomak nian

388 views

Sekretáriu Jerál Partidu FRETILIN, Marí Alkatiri, hatete, saudozu José António Gomes da Costa ho kódigu revolusionáriu Ma’huno Bulerek Karathayano, nia luta hahú husi FRETILIN no nia sai luta povu tomak nian hodi leberta povu husi mukit no ki’ak.

“Ma’huno nia obra, nia luta hahú husi ne’e, uma ida ne’e, sei hela iha uma ida ne’e, hakarak ka lakohi ne’e mak realidade, husi ne’e sei sai óbra sei sai memória, sei sai luta povu tomak Timor nian para atu liberta povu husi mukit husi ki’ak,” dehan Alkatiri iha sede Comité Central da FRETILIN (CCF), Comoro, Díli, Domingu (26/9/2021),  bainhira  presta omenajen ikus ba Ma'huno nia isin-mate, tanba saudozu nu’udar membru no fundadór FRETILIN.

Hafoin sai husi sede CCF Comoro, família no Governu kontinua kedas lori saudozu nia isin-mate ba sede Partidu CNRT ho fó omenajen ikus, tanba iha Bairo dos Grilhos nu’udar fatin ne’ebé saudozu asume pozisaun hanesan Primeiru Vise Prezidente Partidu CNRT.

Iha Sede Partidu CNRT, mate-isin fundadór nomós Vise Prezidente CNRT ne’e simu husi Vise Prezidente CNRT Virgilio Smith, Sekretáriu Jerál Interino Jacinto Rigoberto no Prezidente CDN, Dionísio Babo, hamutuk ho estrutura no militante CNRT.

“Sente lakon figura importante diak ida iha partidu ida ne’e, no sai mós inspiradór diak ida hodi hametin espíritu dedikasaun ba partidu no ba Nasaun. Kompañeru Ma’hunu, ita-nia memória sei la mate iha nia leet” katak Dionísio Babo.

Saudozu Ma’huno nia mate-isin sei rai iha Muzeu Rezisténsia, família no parente, instituisaun Esatadu hotu hodi ba vizita nune’e bele hala’o prosesu fúnebre.

Tuir ajenda, mate-isin saudozu Ma’huno Bulerek Karathayano sei halo’ot iha Jardim dos Herois Metinaro (JHM), iha loron 28, fulan Setembru ne’e.

Molok haloot mate-isin iha JHM, família matebian sei lori mate-isin ba vizita Uma-Lisan Weboro Renraha, iha Postu Administrativu Laleia, Munisípiu Manatuto.GMN


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker