GMN TV Politika CNRT-PD no KHUNTO preokupa OJE 2021 "la folin"

CNRT-PD no KHUNTO preokupa OJE 2021 "la folin"

488 views

Parlamentu Nasionál (PN), liu hosi Bankada opozisaun CNRT, bankada apoiu Governu KHUNTO ho bankada Partidu Demokrátiku (PD) preokupa ho Orsamentu Jerál Estadu (OJE) 2021 ne’ebé aprova ona la folin buat ida.

Tanba to’o agora vítima dezastre naturál iha fulan hirak liu-ba sei hela iha tenda refuziadu, infraestrututa ne’ebé hetan estragu husi Dezastre Naturál, iha Díli laran seidauk hadiak, no ekonomia Timor-Leste monu a’at liu ba porsentu 7.

Maioria liña Ministériu sira nia foku ne’e ba deit pandemia corona vírus, no haluha tiha setór importante sira seluk. Mesmu PN aprova ona fundu COVID-19 milaun USD 700, maibé defaktu númeru COVID-19 nafatin aumenta kada loron.

“Tristeza boot, bainhira ita-nia rai laran sei iha refuziadu, família barak sei hela iha tenda ka lona okos, enkuantu Parlamentu Nasionál aprova ona Orsamentu Jerál Estadu 2021 ho valór billaun 2 dolla amerikanu. Tanba sa mak osan ne’ebé boot tebes ne’e labele rezolve problema maluk refuziadu sira nian,” afirma Deputada CNRT, Virgínia Ana Belo, iha PN, Kuarta (15/09).

Bankada KHUNTO mós husu Governu atu tau konsiderasaun ba problema sira ne’e, tanba durante hala’o kontaktu eleitorál, komunidade barak mak hato’o sira-nia preokupasaun kona-ba infraestrutura bázika.

“Povu sei lamenta kona-ba bee-moos, sira tenke la’o ain no distánsia ne’ebé dook hodi ba kuru bee. Estrada asesu husi sira nia fatin ba merkadu no sentru saúde, kondisaun eskola sira sei miseravel tebes. Durante iha tinan 2021, atividade hotu-hotu paradu, povu susar liu tan, povu barak lakon nia empregu” dehan Deputada Olinda Guterres.

Problema sira ne’e hotu nia hun mai husi líder nasaun nian, ne’ebé hatúr sira nia interrese pesoál no grupu boot liu, duke interrese povu nian. Tanba ne’e mak, to’o ohin loron povu no nasaun ida ne’e nafatin hasoru problema barak tebes.

“Problema líder no lideransa nasaun, basá líder polítiku sira hatúr interese pesoál no grupu a’as liu interese povu no nasaun ninian. Faktus hatudu katak, satan malu no hatún malu tanba interese poder polítiku. Infelismente aktus polítiku hirak ne’e mak hamosu inserteza polítika” afirma deputadu PD, Adriano do Nascimento.

OJE tinan 2021 nian montante bilaun USD 1.8, husi númeru ne’e milaun USD 541 ba kapitál sosiál, milaun USD 475 ba dezenvolvimentu infraestrutura, milaun USD 338 ba dezenvolvimentu ekonómiku, no milaun USD 470 ba konsolida kuadru institusionál.

PN mós aprova ona fundu COVID-19 milaun USD 700, atu aloka ba programa sira kombate COVID-19, nune’e OJE 2021 aumenta ba bilaun 2 resin.

Ejekusaun OJE 2021 montante bilaun USD 2.1, tuir portal transparensia Ministériu Finansa ne’ebé JNDIÁRIO asesa, to’o loron 15, fulan ne’e Governu ejekuta ona milaun 896 resin, reprezenta porsentu 49.2.Eca


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker