GMN TV Politika CNRT seidauk iha kandidatu ba PR

CNRT seidauk iha kandidatu ba PR

62 views

Komisaun Polítika Nasionál (KPN) Partidu CNRT, afirma, CNRT seidauk iha nia kandidatu ba Prezidente Repúblika (PR) hodi konkorre iha eleisaun prezidensiál tinan 2022-2027.

Tanba ne’e, KPN husu ba povu tomak atu lalika rona elementu sira ne’ebé hodi naran Prezidente Partidu nian, Kay Rala Xanana Gusmão nian ba bosok katak, Xanana apoia kandidatu ida ne’e ka ida ne’eba.

Ho baze iha Estatutu, Partidu CNRT nian, mak sei deside iha tempu oportunu, kona-ba kandidatu Partidu-nian, ne’ebé sei konkorre ba eleisaun prezidensiál ba períodu 2022-2027.

Vize Prezidente Komisaun Polítika Nasionál Partidu CNRT, Virgílio Smith, hatete, haree ba situasaun polítika atuál, membru husi Konferénsia Nasionál Partidu CNRT sei reune, iha oportunidade ne’ebé lós, ho hanoin atu deside kona-ba kandidatu ne’ebé Partidu sei apoia iha Eleisaun Prezidensiál ne’ebé sei mai. No atu kandidata se mak ba PR sei sei liu husi kongresu mak bele hili.

Nia dehan, kona-ba informasaun ne’ebé la’o hela iha públiku nia leet, katak Xanana Gusmão rasik apoia daudauk ona ka sei apoia kandidatu balun, ida ne’e CPN-CNRT konsidera katak, buat ne’e hotu la loos no mesak lia falsu.

“Nu’udar partidu polítiku ida, CNRT defende katak tenke tuir didiak regra ne’ebé prevé ona iha ninia Estatutu, tan ne’e hakarak informa ba públiku em jeral no ba militantes Partidu-nian, em partikular, katak Partidu, liu husi ninia órgaun máximu, ne’ebé hatúr ona iha ninia Estatutu, sei hasai desizaun ruma, iha tempu ne’ebé oportunu, kona-ba kandidatu ida ne’ebé maka Partidu sei fó ninia apoiu polítiku tomak, ho missaun atu salvaguarda Estado de Direito Demokrátiku, tuir sá-ida mak hakerek ona iha Konstituisaun RDTL-nian,” dehan Virgílio liu husi konferénsia ba imprensa, Sesta (17/9/2021), iha Bairro dos Grillos, Díli.

Virgílio mos husu ba públiku katak Partidu CNRT seidauk no sei la orienta kualker partidu ida atu lori fali Prezidente Partidu CNRT nia naran hodi fó apoiu ba partidu sira ne’e.nes


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker