GMN TV Politika FP mate, naran nafatin iha lista liña frente, KFP tenke investiga

FP mate, naran nafatin iha lista liña frente, KFP tenke investiga

153 views

Parlamentu Nasionál (PN), liu hosi bankada CNRT, iha plenária, husu ba Komisaun Funsaun Públika (KFP) atu halo investigasaun ba Funsionáriu Públiku (FP) ne’ebé toma konta ba fundu COVID-19.

Tanba funsionáriu liña frente iha Ospitál Nasionál Guido Valadares (HNGV-sígla portugés), ne’ebé la servisu ona ka mate ona maibé naran nafatin iha lista liña frente.

“Ha’u husu ba Komisaun Funsaun Públika, atu tau atensaun iha Ministériu sira ne’ebé iha ligasaun halo ezekusaun ba fundu COVID-19 nian, tanba saida? Ha’u fó deit ezemplu iha Ospitál Nasionál Guido Valadares nian, funsionariu ne’ebé mate tiha ona, balun la servisu tiha ona, maibé sira nia naran kontinua tama ba hodi simu subsídiu ida front line,” husu Deputadu Bankada CNRT, Virginia Ana Belo, iha PN, Tersa (21/09).

Fundu COVID-19 ne’ebé PN aprova hamutuk millaun $ 287 resin, hodi prevee ba kombate COVID-19, no husi montante ne’e, to’o loron 21, fulan ne’e, nia ejekusaun atinje ona porsentu 41.9.

MS sei verifika dadus profisionál saúde

Diretór Jerál Servisu Kooperativa Ministériu Saúde,  Marcelo Amaral, hatete,  Ministériu Saúde (MS) sei hala’o verifikasaun dadus kona-ba liña frente profisionál saúde sira nian, molok prosesa pagamentu subsídiu ba sira

“Kona-ba linha frente, ita bo’ot sira hatene katak pesoál saúde ne’e barak tebes, ita presiza tenki halo verifikasaun kompleta dadus sira ne’e, sira nia lista prezensa ordem servisu atu nune’e bele prosesa pagamentu”, Marcelo Amaral, iha Hotel Novo Turismu Tersa (21/09).

Marcelo esplika, Ministériu balu hato’o ona, pedidu ba iha Ministériu Finansas (MF), maibé balun mak la prinse rekezitus, nune’e MF tenki haruka fila fali.

“Tanba ne’e maka ami tenki verifika didiak, kompleta didiak dokumentus sira, para  aban bainrua sira bele hetan sira nia direitu, importante katak sira nia direitu ne’e labele lakon” hatete.

Naran proefisionál saúde ne’ebé tama ona iha MS hamutuk 5000 resin, husi númeru ne’e, MS mós sei hala’o enkontru ho Diretór Servisu Saúde Munisípiu hotu, hodi haree fila-fali ba ida-idak nia dadus ne’ebé iha.eca/eni


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker