GMN TV Politika Fulan oin, ró Berlin-Ramelau to’o TL

Fulan oin, ró Berlin-Ramelau to’o TL

105 views

Ministru Transporte no Komunikasaun (MTK) José Agustinho da Silva, hatete, ró Berlin-Ramelau sei to’o iha Timor-Leste (TL) iha loron 11, fulan Outubru tinan ne’e.

“Tuir data ne’ebé iha, ró Berlin-Ramelau sei mai Timor iha loron 11 fulan Outubru tinan ne’e, maibé sei haree karik iha mudansa ruma,” relata José Agustinho da Silva, Kinta (16/09) iha Palásiu Governu.

Maibé molok transporte marítima ne’e mai, Ministériu sei delega ekipa tékniku balun desloka ba Xina halo inspesaun, hodi hatene ró Berlin-Ramelau nia kondisaun, tenke priense rekezitu Organizasaun Marítima Internasionál (IMO-sígla ingles).

Ekipa inspesaun ne’ebé sei desloka ba Xina, nia prosesu MTK orienta ona ba Autoridade Portuária Timor-Leste (APORTIL), iha fulan hirak liu-ba, tanba ne’e Governu sei gasta osan ho kustu boot.

“Timor-Leste nu’udar Nasaun Estadu membru Organizasaun Marítima Internasionál, iha dever tomak atu kumpri konvensoens sira ne’e” tenik.

Investimentu ba ró Berlin-Ramelau, Governu Alemaña investe euro milaun 7 no Governu TL investe milaun $ 14,8.

Ró ne’e Governu TL liu husi MTK, assina akordu ho Governu Federál Alemaña no empreza Estaleiru Navál “Damen”, iha loron 31, fulan Maiu, tinan 2019, hodi hahú konstrusaun ba ró Berlin-Ramelau.

Berlin-Ramelau lansa ona ba tasi-leten dahuluk iha Xina, nu’udar ró daruak TL nian, hodi tula pasajeiru nasionál.

Ró ne’e nia medida largura metru 16, calado (sarat air kapal) 3,3, komprimentu metru 67,3, altura metru 4,8 ho kapasidade tula ema 380. No tuir planu ró ne’e hahú nia operasaun iha tinan ne’e, ho nia rute Díli, Manatuto, Baucau, Lospalos no Viqueque.Fel


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker