Maske Konsellu Ministru (KM), dezide aplika Konfinamentu Domisiliáriu Jerál (KDJ) iha Múnisipiu Díli, hodi bandu atividade ne’ebé la importante hodi halibur ema liu na’in sanulu, maibé iha Sábadu, loron 28, fulan Agusto, membru Governu balu kontinua partisipa iha festa.
Deputada ne’e mos la koalia sai membru Governu ne’ebé viola regra KDJ ne’e nia naran, no fatin halo festa ne’e.
“Iha Sábadu semana kotuk, ita tama ona ba KO, mais festa iha hela, iha tasi ibun ne’ebá, iha fatin oi-oin mós iha, festa ne’eba iha mós ema boot balu la’os husi parlamentu. maibé membru Governu balu iha ne’eba,” dehan hateten Deputada CNRT, Bendita Magno, Tersa (31/08), iha PN.
Hatán ba lamentasaun ne’e, Prezidente PN, Aniceto Guterres Lopes, konfirma, ne’e Governu mak bele hatán.
“Senior Ministru Asuntus Parlamentares no Komunikasaun Sosiál, serkadu ne’ebé parese la mai, nia tékniku sira mak mai, ne’ebe sira ita bo’ot sira nia intervensaun, depois mak Governu hatan,” hakotu PPN.
KDJ ne’ebé Governu impoin iha semana kotuk, iha Munisípiu Díli, durante loron hitu, ne’ebé tama iha vigór hahú husi loron 27, fulan Agostu no remata iha loron 2 fulan Setembru ne’e.Ags
