GMN TV Politika Governu adia aprovasaun ba realojamentu vítima DN

Governu adia aprovasaun ba realojamentu vítima DN

89 views

Governu liu husi reuniaun Konsellu Ministru (KM) la aprova opsaun realozamentu ba vítima Dezastre Naturá (DN) ne’ebé aprezenta husi Ministru Estatal (MAE), Miguel Perreira de Carvalho no Sekretáriu Estadu Protesaun Sivíl (SEPS), Joaquim Gusmão Martins.

“Ministru Administrasaun Estatal mós ohin halo aprezentasaun ida hamutuk no Sekretáriu Estadu Protesaun Sivíl, kona-ba planu medida realojamentu ba komuinidade hirak ne’ebé afetadu husi inundasaun 4 de Abril, ida ne’e atu loke dalan katak iha meius imediatu atu ajuda sira hotu vítima sira no mós liu-liu preokupasaun vítima sira ne’ebé to’o agora seidauk iha fatin atu hela ba,” hatete Ministru Prezidensia Konsellu Ministru, Fidelis Leite Magalhães, iha Palásiu Governu Sábadu (25/09).

Opsaun sira ne’e, KM la aprova maibé desidi hodi analiza fila-fali opsaun sira ne’e, iha enkontru KM semana oin.

Antes ne’e, MAE no SEPS aprezenta ona preokupasaun, no opsaun ba vítima inundasaun sira, ba Xefe Governu, no Xefe Governu husu atu buka solusaun lalais ba problema ne’e.

Maibé to’o ohin loron, seidauk iha solusaun nafatin, inklui promesa Governu atu hari’i Bairo foun ba vítima DN sira.

To’o ohin loron, vítima na’in 765 husi uma-kain 137 mak sei hela iha sentru evakuasaun neen iha Munisípiu Díli.Ags


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker