GMN TV Politika Governu hakotu KOJ iha Díli, mantein SS iha Munisípiu haat

Governu hakotu KOJ iha Díli, mantein SS iha Munisípiu haat

454 views

Governu liu husi Konsellu Ministru (KM) deside ona hakotu medida Konfinamentu Obrigatóriu Jerál (KOJ), iha Munisípiu Díli.

Desizaun ne’e deside, hafoin análiza aprezentasaun husi pontu situasaun Sentru Integradu Jestaun Krize (SIJK), kona-ba situasaun COVID-19 iha Timor-Leste. Tanba ne’e, atividade hanesan missa, transporte públiku (bemo, taxi, anguna, bus), loja sira reativa fila-fali, restaurante no selu-seluk tan.

“Atu dehan katak, bainhira rezolusaun ba konfinamentu obrigatóriu vijente ne’e kaduka aban-kalan, sei la estende tan,” hatete, Ministru Prezidénsia Konsellu Ministru, Fidelis Manuel Leite Magalhães, Kuarta (08/09), iha Ministériu Finansa, Aitarak-Laran, Díli.

Governu mós konsidera fila-fali sidadaun ne’ebé kompleta ona vasina doze dahuluk no daruak, bele movimentu tama sai Munisípiu livre, la presiza teste rastreiu.

“Ne’ebé ha’u repete klaru ba ita-boot sira katak, como laiha ona konfinamentu, ne’ebé régra hanesan régra anterior katak, vasina dala-rua bele ba-mai, bele hakúr baliza sira Serka Sanitária nian maka vigora fali ona,” informa governante ne’e.

Governu mós rekomenda sidadaun hotu nafatin kumpri rekomendasaun sira ne’ebé, fó sai ona husi Ministériu Saúde (MS) no Organizasaun Mundiál Saúde (OMS), ba prevensaun no kombate corona virus.

Evita halibur malu, mantein distansiamentu sosiál, uza máskara, karik komunidade halibur malu mak, “PNTL sei ba fó hanoin ita-boot sira atu bele kumpri nafatin protokolu saúde” apela.

Mesmu hakotu ona Konfinamentu Obrigatóriu, maibé autoridade seguransa nafatin kontinua ho sira-nia servisu, nune’e hodi fó hanoin, bele impoen nafatin regra, ba sidadaun sira kumpri protokolu saúde.

Alénde ne’e mós atividade prezensiál husi ensinu báziku to’o ensinu superior sei kontinua suspende.

Mantein SS iha Munisípiu haat

Konsellu Ministru mós mantein medida Serka Sanitária iha Munisípiu Díli, Baucau, Covalima no Ermera, to’o loron 22, fulan Setembru, tuku 23:00 oras Timor-Leste.

No hakotu mós medida SS iha suku Naimeco, Sub-rejiaun Pante Makasar, Suku Bobometo, Sub-rejiaun Oesilo, Rejiaun Autónomu Espesiál Oecusse Ambeno (RAEOA), iha tuku 23:59, loron 8, fulan Setembru ne’e.

Ba Munisípiu Manufahi, la sofre alterasaun ruma, nune’e mantein SS ne’ebé antes ne’e aplika, to’o termina iha loron 15, fulan ne’e.Ags


Banner

Foto

Notisia Ikus

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...

PPN Aniceto: Sosiedade sivíl la hatene lei, “lalika koalia”

September 15, 2021
Prezidente Parlamentu Nasionál (PPN), Aniceto G...

Ohin, funsionáriu 14 aranka ba Dubai

September 14, 2021
Funsionáriu pavilaun 14 sei aranka uluk ba Duba...

OJE 2021 aloka ba MEJD laiha rezultadu

September 14, 2021
Komisaun G Parlamentu Nasional ne’ebé trata a...
1 2 3 638

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker