GMN TV Politika Governu hakotu SS iha munisípiu tolu, Díli mantein

Governu hakotu SS iha munisípiu tolu, Díli mantein

73 views

Governu iha reuniaun Konsellu Ministru (KM), Kuarta (22/09) ne’e, hakotu ona medida Serka Sanitária (SS) iha Munisípiu tolu no mantein SS iha Munisípiu Díli.

Munisípiu tolu ne’ebé lívre ona husi SS mak hanesan, Baucau, Covalima no Ermera, nune’e fó lívre ba sidadaun sira halo movimentu, maibé tenke kumpri nafatin protokolu sira.

Desizaun KM nian termina SS iha Munisípiu tolu ne’e, maibé atualizasaun dadus ne’ebé asesa husi Sentru Integradu Jestaun Krize (SIJK) ba Munisípiu Baucau, to’o loron 21, fulan ne’e, rejista kazu konfirmadu COVID-19 hamutuk 10. Kazu rekuperadu 145, kazu ativu 114, komulativu konfirmadu 1.373, no kazu óbitu COVID-19 hamutuk 6.

Ba Munisípiu Covalima la rejista kazu konfirmadu COVID-19 foun, kazu rekuperadu 4, kazu ativu 148, komulativu konfirmadu 771 no kazu óbitu 2.

Munisípiu Ermera la rejista kazu konfirmadu COVID-19 foun, kazu rekuperadu laiha, kazu ativu 49, komulativu konfirmadu 1.062 no kazu óbitu 2.

Díli Governu mantein SS ba semana ida, razaun saúde públika, nomós númeru pozitivu corona virus kada loron sempre iha.

“Aprova projetu Rezolusaun Governu nian ne’ebé mantein impozisaun Serka Sanitária iha Munisípiu Díli to’o tuku 23:59 loron 29 fulan-Setembru,” hatete Ministru Prezidensia no Konsellu Ministru, Fidelis Leite Magalhães, iha Palásiu Governu.

Tan ne’e kontinua bandu sirkulasaun sidadaun husi Munisípiu Díli no sirkunskrisaun administrativa sira-seluk, maibé la bandu atividade ne’ebé razaun seguransa públika, saúde públika, asisténsia umanitária, manutensaun ba sistema abastesimentu públiku, no sidadaun ne’ebé kompleta ona vasina kontra COVID-19 doze rua.

Desizaun hirak ne’e, bazeia ba aprezentasaun kona-ba pontu situasaun epidemiolójika husi SIJK katak, kazu COVID hahú hatudu sinál pozitivu.Ags


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker