GMN TV Capital Governu iha ona opsaun balu ba refujiadu sira

Governu iha ona opsaun balu ba refujiadu sira

66 views

Primeiru Ministru (PM) Taur Matan Ruak ho Sekretáriu Estadu Protesaun Sivíl (SEPS), Joaquim Martins no Ministru Administrasaun Estatál (MAE) Muguel Perreira de Carvalho, kontinua buka solusaun ba vítima sira Dezastre Naturál nian (DN).

Hafoin diskute, Xefe Governu fó orientasaun ba SEPS ho MAE atu ezekuta lalais opsaun ne’ebé iha ba solusiona vítima inundasaun ne’ebé to’o agora seidauk fila sira nia uma.

No Konsellu Ministru (KM) mós tempu besik, sei hasai rezolusaun ida atu rezolve vítima lubuk ida ne’ebé sei hela provizóriu iha sentru evakuasaun sira.

“Iha Opsaun lubuk ida mak ita hanoin atu adopta, primeiru liu mak ita sempre halo nafatin mediasaun ho ita nia komunidade ne’ebé mak iha sentru evakasaun sira ita halo aproximasaun ba sira, sira hakarak atu muda ba ne’ebé? se sira hakarak muda ba sira nia família nia fatin, iha rai ruma iha ne’ebá, ekipa ba verifika, depois ita fó ajudus ba sira” hatete Sekretária Estadu Protesaun Sivíl, Joaquim Martins, iha rezidensia PM, Faról, Díli, Tersa (21/09).

Opsaun daruak mak karik vítima sira hakarak fila-fali ba Munisípiu, tenke iha koordenasaun ho MAE nomós autoridade Munisípiu sira, atu verifika didiak.

“Haree verifika karik sira ne’eba, los duni, ita prepara sasan, no prepara material konstrusaun,” afirma SEPS.

Antes Governu rasik promete atu kria Bairo foun ba vítima sira, maibé to’o agora promesa hirak ne’e seidauk realiza.

Dadus ne’ebé relata husi SEPS, vitima uma-kain 131 ho família hamutuk 715 mak sei hela iha sentru evakusaun 6 iha Díli laran, hanesan sentru evakuasaun Dom Bosco Comoro, kampu evakuasaun rua iha Manleuana hera, no Metiaut.Ags


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker