GMN TV Politika Governu mantein KDJ iha Díli, "PM Taur infetadu COVID-19"

Governu mantein KDJ iha Díli, "PM Taur infetadu COVID-19"

157 views

Governu liu husi Konsellu Ministru (KM), iha reuniaun Kuarta (01/09) ne’e, deside mantein Konfinamientu Domisiliáriu Jerál (KDJ) iha Díli, hahú iha loron 3, no termina iha loron 9 fulan Setembru tinan ne’e.

KM deside KDJ ne’e, hafoin halo análize ba aprezentasaun husi pontu situasaun epidemiolójika nasionál husi koordenadór sira sala situasaun Sentru Integradu Jestaun Krize (SIJK) nia.

“Hafoin rona aprezentasaun ne’e, Konsellu Ministru tetu no deside katak, hodi estende tan Konfinamentu Domisiliáriu Jerál iha Munisípiu Díli, ho durasaun loron hitu,” informa Ministru Prezidénsia Konsellu Ministru (MPKM), Fidelis Manuel Leíte Magalhães, Kuarta, (01/09), iha Díli.

Iha kontestu KDJ, hatúr tan esesaun ida ka permisaun ida ba sidadaun sira ne’ebé mak presiza atu ba halo resensiamentu eleitorál, no parte seluk mak asegura funsionamentu ba empreza prestasaun sevisu sira ba kontrolu peste.

Governu mós deside la aplika ona KDJ ba Postu Administrativu Railaco no Ermera, maibé mantein deit ho Serka Sanitária (SS) ba Munisípiu Ermera tomak, to’o loron 13, fulan ne’e.

Impoin mós SS ba Munisípiu Manufahi, tanba númeru infesaun COVID-19 aumenta ba bebeik, implementasaun SS ba semana rua, ne’ebé sei remata iha loron 15, fulan Setembru ne’e.

PM Taur infetadu COVID-19

Primeiru Ministru (PM), Taur Matan Ruak, hala’o teste rastreiu iha semana kotuk no nia rezultadu hatudu pozitivu COVID-19,

Xefe Governu ne’e mós kumpri ona auto izolamentu iha nia rezidénsia, nune’e evita transmisaun virus ba ema seluk.

Relasiona ho kondisaun, Taur Matan Ruak nian, iha Kuarta (01/09), labele lidera reuniaun Konsellu Ministru, maibé diriji fali husi Vise Primeiru Ministru, José Reis.

Iha loron 24, fulan Agostu, tinan ne’e, PM partisipa iha audiénsia Governu ho Deputadu sira, iha Parlamentu Nasionál, hodi diskuti kona-ba estensaun Estadu Emerjénsia.

Atualizasaun dadus COVID-19 husi Sentru Integradu Jestaun Krize (SIJK), ba loron 01, fulan Setembru, rejista tan kazu pozitivu konfirmadu foun hamutuk 232, kazu rekuperadu 247, kazu ativu 4.480, kazu komulativu konfirmadu hamutuk 16.914, no kazu óbitu 72.Fer


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker