GMN TV Politika Governu preparadu antesipa La Niña

Governu preparadu antesipa La Niña

14 views

Sekretariu Estadu Protesaun Sivíl (SEPS), hala’o hela preparasaun balu kona-ba oinsa antesipa Dezastre Naturais ne’ebé sei akontese iha fulan oin.

Faze dahuluk SEPS reuniaun ona ho parseiru internasional, ajénsia espesializada husi Estadus Unidu Amérika (EUA), deskute ona kona-ba prepara fatin evakuasaun sira.

Parte seluk mak hahú halo ona sosializasaun ba komunidade ne’ebé hela besik fatin ne’ebé risku boot akontese inundasaun, erozaun.

“Ita mós komesa halo ona sosializasaun ba fatin sira ne’ebé ita identifika  risku ba Dezastre Naturais, hanesan mota ninin foho lolon sira ne’e, ita fó hanoin nafatin ba sira, ita mós komesa halo ona aproximasaun ba fatin sira ne’ebe ita identifika atu halo fatin evakuasaun karik akontese duni,” informa SEPS, Joaquim Martins, iha Faról Díli Tersa (21/09).

Iha loron hira liu ba, Timor-Leste (TL) hetan alerta ida husi ajénsia BoM-Australia no NOAA–USA nia previzaun La Niña iha tendénsia atu forma iha fulan Novembru ka inisiu Dezembru ho probabilidade 65-70%.

La Niña ne’ebé atu forma iha tendénsia atu dissipa ka muda nia faze ba Normal iha fulan fevereiro 2022. Intensidade husi La Niña ne’ebé atu forma la boot hanesan uluk iha 2020/2021. No La Ninã laos fonte prinsipiál ba udan boot iha dia 4 abril.

“To´o agora seidauk iha previzaun ba udan boot hanesan iha dia 4 Abril 2021” sita iha informasaun ne’ebé publika iha pájina Timor-Leste MeteoClima.

Udan boot iha dia 4 Abril liu ba, kauza husi depresaun tropikál ne’ebé depois hetan forsa no transforma sai kategoria 1-Siklone tropical ho naran Seroja.

ENSO no siklone tropikál, sistema rua ne´ebé diferente maibé ENSO influénsia siklone tropikál. “Udan ne´ebé oras ne´e dadaun akontese la´os influensia husi La Niña. Tanba agora ENSO iha faze Neutro ka Normal hela” sita iha pájina Timor-Leste MeteoClima.

La Niña la forma ka mosu iha TL, maibé prosesu formasaun tomak akontese iha oceano pasífiku tropical, depois nia influénsia maka to´o TL.Ags


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker