GMN TV Politika Governu sei dezenvolve Sentru Agríkola Quinta Shalom Farm Hera

Governu sei dezenvolve Sentru Agríkola Quinta Shalom Farm Hera

191 views

Primeiru Ministru (PM), Taur Matan Ruak, hatete, sei dezenvolve Sentru Agríkola Quinta Shalom Farm Hera, ne’ebé hahú ho hakiak animal.

Nia afirma, setór privadu mak bele kontribui maka’as ba roda ekonomia iha rai laran, nomós kria kampu servisu ba joven no sidadaun hotu atu asesu.

Tanba kada tinan Timor-Leste sempre importa na’an manu husi estranjeiru kuaze tonelada rihun ida resin, tan ne’e ho ejisténsia sentru agríkola ne’e, bele kontribui ba redusaun naan importadu.

“Ha’u interesadu loos hakarak mai haree, koñese para haree nia vizaun ba futuru ne’e oinsá? No oinsá mak bele servisu hamutuk ho Governu, tanba problema ida ita nian mak oinsá ita atu dezenvolve agropekuária iha ita-nia rain, ne’e oportunidade di’ak tanba iha setór privadu ida interese hahú ho buat ki’ik oan hanesan ne’e,”dehan PM, Taur, hafoin vizita sentru agríkola Quinta Shalom Farm iha Hera, Sábadu (18/09).

Diretór Sentru Agríkola Quinta Shalom Farm Hera, Ayub Joseph Karimi, hatete, nia hili Timor-Leste sai sentru ba nia hodi harii sentru agríkola, tuir nia mehi ne’ebé iha.

Nia promete, ba futuru sei dezenvolve sentru agríkola ne’e diak liu tan, atu kontribui dezenvolvimentu nasaun ne’e nian.

“Ami sei hakiak tan manu husi nasaun seluk hodi dezenvolve setór agríkola iha nasaun ne’e, maibé problema boot iha nasaun ne’e mak hahán ba animal nian,” tenik nia.

Animál ne’ebé dadaun ne’e Sentru agríkola Quinta Shalom Farm hakiak mak hanesan, manu Timor, manu Rade, manu Japaun, manu Turki, Karau Susu Ben, no ba futuru sei hakiak tan fahi no mós ikan Lele.Ags


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker