GMN TV Politika Governu sei fó subsídiu mensál ba FP, kargu diresaun no xefia

Governu sei fó subsídiu mensál ba FP, kargu diresaun no xefia

392 views

Konsellu Ministru (KM) liu husi reuniaun estra-ordináriu, aprova projetu Dekretu-Lei atu kria subsídiu mensál ai-han nian, no subsídiu mensál transporte nian ba Funsiánariu Públiku (FP), kargu diresaun no xefia sira.

Projetu Dekretu Lei subsídiu mensál ai-han nian mak hanesan, kada fulan FP sira iha direitu ba foos kilograma 35, batar kilograma 5, koto kilograma 5, fore-mungu kilograma 5 no fore-keli kilograma 2.

No karik laiha produtu sira anteriór balun ne’ebé temi ona, bele troka ho produtu sira-seluk ho valór hanesan. Sei entrega trimestralmente husi órgaun no servisu sira ba benefisiáriu sira ne’ebé ezerse ninia funsaun.

Subsídiu mensál ai-han ne’e nia objetivu mak hamenus despeza no akizisaun ba ai-han sira no konfesaun refeisaun, no “atu promove pordutu nasionál” nomós “atu insentiva aumentu produtividade setór agríkola” hatete iha komunikadu imprensa ne’ebé GMN asesa husi KM, Segunda (20/09).

KM aprova mós projetu Dekretu Lei atu kria subsídiu mensál transporte nian ba titulár sira kargu diresaun no xefia, nomós ba FP administrasaun públiku nian.

Montante subsídiu mensál ne’ebé sita iha komunikadu ne’e mak hanesan, osan ho valór $ 25.00 ba FP sira, valór $ 50.00 ba Xefe sira sesaun, ba Xefe Departamentu sira sei “hetan $ 75.00,” ba Diretór Nasionál sira “$ 100.00” ni ikus liu mak ba “Diretór Jerál sira sei hetan $ 150.00” sita iha komunikadu.

Krisaun subsídiu mensál ba transporte ne’e, atu hamenus despeza husi “atribuisaun veíkulu Estadu” nian no promove “rasionalizasaun” ba parke autmovel públiku.

Projetu Dekretu Lei rua ne’e, aprezenta husi Ministru Finansa, Rui Augusto Gomes, no KM aprova ona, sei lori ba Prezidente Repúblika, hodi halo promulgasaun antes tinan ne’e remata, bainhira promulga tiha, Projetu Dekretu lei ne’e, sei tama iha vigór iha fulan Janeiru tinan 2022.Ags


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker