GMN TV Politika Governu sei hadia infraestrutura ne’ebé estragu husi DN

Governu sei hadia infraestrutura ne’ebé estragu husi DN

43 views

Primeiru Ministru (PM) Taur Matan Ruak hatete, Governu esforsu hela hodi hadi’ak fali infraestrutura ne’ebé hetan estragu husi Dezastre Naturais (DN) iha fulan Abril liu-ba.

Tan ne’e tempu besik Xefe Governu sei reuniaun ho Ministériu kompetente sira, oinsá atu implementa fundu infraestrutura ne’ebé aloka ona.

“Hau alerta bei-beik ona ba Ministériu sira, para que iha tempu badak atu reuni, liu-liu ho KAFI para sira implementa osan fundu infraestrutura rekonstrusaun liu-liu destroisaun 4 Abril nian” promete Xefe Governu, ne’e, hafoin enkontru ho Prezidente Repúblika Francisco Guterres Lú Olo, Kinta (16/09).

Tuir PM, esforsu Konsellu Administrasaun Fundu Infraestrutura (KAFI) nia servisu seidauk másimu, liu-liu ba infraestrutura ne’ebé estragu husi DN. Tanba bainhira laiha esforsu maka udan mai, sai hetok aat liu-tan.

“Sira nia esforsu ki’ik liu, seidauk másimu, hau espera katak sira halo esforsu para fó kontribuisaun ida, tanba se lae udan ne’ebé mai invez de sobu deit foun, maibé sobu mós tuan, ne’e aumenta kustu no aumenta nia gravidade de kustu” dehan PM.

Ba vítima sira afeta DN, ne’ebé sei hela iha tenda refujiadu Ministériu sira kontinua fó asisténsia, nune’e Governu sei buka fatin ida seguru liu hodi bele muda komunidade hirak ne’e.

Dadus ne’ebé iha, dadauk ne’e vítima DN hamutuk 48 mak sei kontinua hela provizóriu iha lona okos, iha kampu Real Madrid, Manleuana, Díli.

Orsamentu Jerál Estadu (OJE) 2021 nian ne’ebé Governu aloka ba Ministériu Obras Públika (MOP) hamutuk milaun $ 234 resin, husi orsamentu ne’e, Ministériu ejekuta ona porsentu 90.9, tuir portal transparénsia Ministériu Finansa. No ejekusaun ba KAFI nia ejekusaun foin atinje porsentu 15.0.Dms


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker