GMN TV Politika Militante partidu haat afilia ba CNRT

Militante partidu haat afilia ba CNRT

567 views

Juventude no Veteranu husi partidu haat iha Suku Fuiluro, Munisípiu Lautém  afilia ba Partidu CNRT ne’ebé lidera husi Eis Komandante Em Xefe Kay Rala Xanana Gusmão.

Afiliasaun ne’e akontese, bainhira Organizasaun Juventude Partidu CNRT husi nasionál hala’o konsolidasaun iha Aldeia Asaleno, Suku Fuiluro, Postu Administrativu  Lautem Vila, Munisípiu Lautém.

“Durante tinan sanolu resin ona, ami-nia inan-aman veteranu no ami juventude husi  Aldea Asaleno seidauk fó votu ba CNRT, durante ne’e ami fó votu mak ba partidu istóriku FRETILIN, Frente Mudansa, PLP no PUDD. Maibé inan-aman no veteranu sira deside hodi afilia ba partidu CNRT tanba hakarak fó kbit ba Líder Nasional Kay Rala Xanana Gusmão hodi ukun iha períodu tuir mai, tanba Maun Xanana mak foin dadauk apoiu ami juventude nia preokupasaun, maibé partidu ne’ebé ami hili ne’e la haree ami, maske ami fó votu ba sira,” hateten Koordenadór Juventude Jorge da Costa ba GMN, iha Lospalos, Domingu (26/09).

Alende ne’e, veteranu Agosto Rosa “Acimoko” afirma, nia parte sei apoia CNRT  hodi dezenvolve Timor-Leste.

“Ha’u mai husi PLP, razaun ha’u mai CNRT tanba uluk ami mak hamutuk ho Maun Xanana halo klandestina hodi buka ukun rasik-an. Tanba ne’e mak hakarak la’o hamutuk ho Maun Xanana mak bele ultrapasa situasaun ida ne’ebé mak iha, tanba nia hatudu tiha ona ba ita hotu kapasidade ukun,” katak Acimoko.

Prezidente Komisaun Diretiva Nasional Partidu CNRT, Dionísio Babo fó agredesimentu ba juventude no veteranu sira ne’ebé deside hodi la’o hamutuk ho Partidu CNRT.

“Ha’u haksolok tebes tanba inan-aman no juventude sira iha Aldeia ne’e, tanba hakarak servisu hamutuk ho CNRT hodi fó apoiu ba Maun Xanana para bele ukun hodi dezenvolve ita-nia rai,”dehan Dionísio.

Entretantu Militante husi partidu haat ne’ebé deside hodi afilia ba partidu CNRT ne’e mak hanesan, Partidu FRETILIN, PLP, FRENTE Mudansa no PUDD.aba


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker