GMN TV Politika MS Odete la’o ses husi Jornalista

MS Odete la’o ses husi Jornalista

227 views

Iha enkontru Komite Revizaun Orsamentál Polítika, (KROP) tinan 2022 iha Ministériu Finansa (MF) Aitarak-Laran, Sesta (10/09), Ministra Saúde (MS), Odete Maria Freitas Belo, la’o ses husi Jornalista sira, bainhira tenta halo entrevista kona-ba preokupasaun povu nian ba efeitu no progresu husi vasinasaun COVID-19 no mos kestaun sira seluk.

Governante ne’e la hatán bainhira Jornalista sira lansa pergunta kona-ba revizaun KROP ba MS nian, nomós progresu no efeitu vasinasaun COVID-19 iha territóriu nasionál, maibé membru Governu ne’e la’o kedas ba sa’e karreta Estadu ne’ebé nia utiliza, para hein hela iha aeradór MF, nian.

Molok hakat sai husi odamatan sala reuniaun nian, MS hatete ba ajente korpu seguransa pesoál ne’ebé, fó seguransa ba Ministra ne’e dehan ba jornalista sira katak, labele halo entrevista ho Ministra, tanba okupadu hela.

Maibé bainhira membru Governu ne’e atu hakat sai mai liur, hetan  Jornalista sira ne’ebé hein hela, iha odamatan, Ministra lakohi sai mai.

Mezmu dehan okupadu ho servisu seluk, maibé MS gasta tempu hodi konversa hela ho nia membru Governu sira seluk kuaze minutu 30 nia laran iha deit sala reuniaun nian.

Atitude MS, Odete nian ba pesoál komunikasaun sosiál sira ne’e, la’ós foin akontese, maibé akontese ba dala rua ona. Dahuluk iha Kuarta foin lalais ne’e, hafoin partisipa iha enkontru Konsellu Ministru, bainhira Ministra sai mai, la’o ses hosi jornalista, bainhira Jornalista tenta halo entrevista.Ags.


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker