GMN TV Politika Ohin, funsionáriu 14 aranka ba Dubai

Ohin, funsionáriu 14 aranka ba Dubai

180 views

Funsionáriu pavilaun 14 sei aranka uluk ba Dubai iha Tersa, loron 14, fulan ne’e, hodi halo preparasaun Timor-Leste (TL) nian iha atividade Espozisaun Dubai tinan 2020.

“Ohin ita tama faze finál preparasaun, faze primeiru nian ho enseramentu formasaun no despedida ba funsionáriu pavilaun 14 ne’ebé aban aranka ba Dubai,” informa Koordenadór Jerál Autoridade Expo Dubai 2020, Manuel Vong, Segunda (13/09) iha Kampung-Alor Díli.

Funsionáriu sira ne’e hetan ona formasaun servisu ekselensia ho tópiku 14, tuir ida-idak nia área. No sira mós halo aprezentasaun no simulasaun hodi hatudu saida mak aprende durante formasaun.

Produtu ne’ebé TL sei aprezenta iha atividade espozisaun ne’e mak hanesan produtu tanjível (hanesan patrimóniu ne’ebé bele kaer, hanesan kafé Timor, Tais no artezenatu) no intanjível (patrimóniu ne’ebé labele kaer, haree direta no sura, ezemplu petróleu 18 no minerais 30).

No pakote Turízmu nian mak Portu Díli, resort no Parke Industrial, área óspitalidade nian foka ba Ótel no Restaurante ne’ebé ho kualidade a’as.

Espozisaun ne’e mós involve ministériu balun, hanesan Ministériu Agrikultura nian foka liu ba investimentu iha barazen, floresta no Agrikultura, no área peska ne’ebé fó orientasaun ba investimentu fábrika ikan.

Ministru Turísmu Komérsiu Indústria (MTKI) José Lucas dos Carmo da Silva, husu ba pavilaun ne’ebé atu hala’o servisu iha Dubai, tenke ho responsabilidade.

“Importante liu mak hatudu Timor-Leste nian la hanesan mak ida ne’e, atu atrai ema,” tenik governante ne’e.

Nasaun ne’ebé partisipa iha Expo Dubai 2020 ne’e hamutuk 196. No kona-ba preparasaun TL nian atinje ona porsentu 99, ho monte osan millaun USD 2, millaun USD 1 husi aloka husi Governu TL, no millaun USD 1, tulun husi Dubai rasik.Fel


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker