GMN TV Capital PAM Díli foun promete “tau a’as interese nasionál”

PAM Díli foun promete “tau a’as interese nasionál”

88 views

Ministru Administrasaun Estatál, Miguel Pereira de Carvalho, fó ona pose ba Prezidente Autoridade Munisipál (PAM) Díli, Guilhermina Filomena Saldanha, hodi troka Prezidente sesante, Gaspar Soares ba períodu tinan 2021 to’o 2026.

Prezidente Autoridade Munisipál Díli foun ne’e iha nia juramente promete, sei obedese ba Konstituisaun RDTL no leal ba Nasaun hodi serví povu durante nia mandatu.

“Ha’u jura sei obedese tuir regulamentu ne’ebé iha no sei hala’o funsaun ne’ebé fó ona mai ha’u no sei tau interese nasaun nian aas liu, no ha’u jura sei servisu di’ak ba públiku serví komunidade, povu ho onestidade, profisionál no responsabilidade ba interese nasaun nian,”dehan emposada ne’e iha salaun Administrasaun Munisípiu Díli, Segunda (20/09).

Sujestaun Ministru Administrasaun Estatál, nian mak, husu ba Prezidente AMD foun tenke servisu ho responsabilidade liu-liu atu mantein kooperasaun ho parte hotu-hotu, hodi kontribui ba dezenvolvimentu iha kapitál Nasaun nian.

“Ha’u husu ba Prezidente foun ne’e atu servisu hamutuk ho Autoridade lokál no entidade sira hotu hodi rezolve populasaun sira-nia preokupasaun hanesan vítima sira ne’e sei kontinua hela iha lona okos vendedor ambulante sira kontinua fa’an iha estrada públiku sira no haree kondisaun saneamentu merkadu munisípiu Díli nian no oinsa mak bele halo jestaun lixu sira iha kapitál Díli inklui organiza komunidade ne’ebé hela iha fatin risku sira hanesan mota-ninin, foho-lolon sira,” hatete Miguel Fereira.

Entretantu, rezultadu teste eskrita iha fulan hirak liu-bá, Guilhermina Filomena Saldanha, hetan valór di’ak liu (13.6), tanba resposta loos ba pergunta hamutuk 68.

Enkuantu, kandidatu sira seluk, kompostu hosi Abílio Mesquita “Mausoko”, António Moniz Calau hetan valór hanesan 13.2 no Ivete de Fátima Sarmento de Oliveira, fó resposta loos ba pergunta hamutuk 66.

No kandidatu Sabino da Costa hetan valór 11.8 tanba fó resposta loos ba pergunta hamutuk 59 no kandidatu Manuel da Silva hetan valór 10 tanba fó resposta loos ba pergunta 50.

Tomada Pose ne’e tuir Dekretu Governu númeru 20/2021 de 11 de Agostu primeiru alterasaun ba Dekretu Governu númeru 3/2016 kona-ba remunerasaun Prezidente Autoridade Munisipál no Administradór Munisipál sira.aba


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker