Eis Prezidente Repúblika, José Ramos Horta, hatete, Prezidente Parlamentu Nasionál (PPN) ho ekipa partisipa asembleia parlamentar iha Áustria remata, importante tenke hatudu transparénsia.
Nia fundamentu, iha ámbitu COVID-19, premiadu novel da paz ne’e simu komvite barak husi Wasington, Dubai no Europa, maibé nia rejeita lakohi ba, tanba billete aviaun karun, aluga otél mós karun.
“Hau hanoin importante iha transparénsia para parlamentu tomak hatene gastus ba ne’e hira, tamba situasaun ekonomia la’o dadaun ne’e sira ne’ebé iha politika Governu tenke hatudu sensibilidade, labele ofende povu, ema sira ne’ebé iha situasaun ekonomia araska ne’e,” dehan Eis PR ne’e, ba GMN Kuarta (08/09), iha nia rezidensia Faról.
Líder diplomata ne’e mós hakfodak, bainhira rona PPN ho ekipa aranka ba Áustria, iha loron hirak liu-ba, mesmu Governu aplika hela Konfinamentu Obrigatóriu Jerál, iha Díli.
Lauriadu Nobel da Paz 1996 ne’e sente hakfodak, bainhira rona delegasaun Prezidente Parlamentu Nasionál, hala’o viajen ba Áustria, iha situasaun Timor-Leste, implementa hela konfinamentu obrigatóriu ba munisípiu Díli, no estadu emerjénsia ba munisípiu sira seluk, hodi prevene transmisaun Covid 19.
“Pandemia iha ita nia rai, iha mundu no fatin hotu, liu-liu iha Eropa mós sei perigu bo’ot ho COVID iha aviaun laran dala ruma ema hetan COVID, ne’e duni ha’u hakfodak ba ida ne’e,” hakotu.Tos
