GMN TV Politika PM Taur: TL lakon fundadór ida

PM Taur: TL lakon fundadór ida

61 views

Primeiru Ministru (PM), Taur Matan Ruak, hamutuk ho espoza Isabel Ferreira hakat ba saudozu Komandante Ma’huno Bulerek Karathayano nia rezidénsia iha Praia dos Coqueiros, Díli, hodi presta omenajen ikus.

Eis Vise Komandante Em Xefe ne’e hatete, saudozu Ma’huno Bulerek Karathayano nia mate, sente hanesan lakon fundadór diak ida Nasaun nian, ne’ebé fó nia kontribuisaun tomak durante luta libertasaun pátria.

“Ita lakon ita nia erói ida no fundadór ita-nia Nasaun nian, ita-nia Nasaun lakon bo’ot, ne’ebé ita husu ba Aman Maromak fó fatin ba nia horik rohan la’ek, husi nia no sira hotu ne’ebé ba ona Aman Maromak nia sorin tau matan ba ita-sira ne’ebé sei moris, atu hatutan obra ne’ebé sira husik hela, ita husu para que sira kontinua fó forsa no korazen ba família no oan sira, atu iha forsa, hodi reziste situasaun difisil no todan ida ne’e,” dehan Taur Matan Ruak, hafoin presta omenajen ikus ba saudozu Ma’hunu, iha nia rezidénsia, Sábadu (25/09).

Eis Jenerál ne’e afirma, mesmu saudozu remata ona nia pregrinasaun moris iha mundu, maibé nia memória no óbra sei metin nafatin iha jerasaun ba jerasaun.

“Nasaun tomak iha sira nia sorin, povu tomak iha sira nia sorin tanba ita nia maun nia isin lolon mak mate, maibé nia memória nia obra ne’e sei perdura, sei hela, sei hanoin husi jerasaun ba jerasaun” hakotu.

Governu mós dekreta ona luta nasionál ba loron tolu, hodi Timor-oan hotu atu fó sentidu profundu ba saudozu nia falesimentu, nu’udar erói importante iha prosesu luta nia laran.

Komandante José Antonio Gomes da Costa ho kódigu revolusionáriu Ma’huno Bulerek Karathayano hakotu iis iha Sesta (23/09) iha Ospitál Nasionál Guido Valadares, ho idade 72, tanba sofre moras stroke.Ags


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker