GMN TV Politika Populasaun Díli kumpri KDJ, PPN ho ekipa ohin sei dezloka ba Áustria

Populasaun Díli kumpri KDJ, PPN ho ekipa ohin sei dezloka ba Áustria

314 views

Mesmu Governu kontinua aplika Konfinamentu Domisiliáriu Jerál (KDJ) ba populasaun tomak iha Munisípiu Díli ba semana ida tan, maibé Prezidente Parlamentu Nasionál (PPN) Aniceto Guterres ho ekipa, Sesta loron 03, fulan Setembru ne'e, sei dezloka ba Áustria, hodi tuir konferénsia Internasionál Uniaun Inter-Parlamentár.

“Ohin hanesan últimu halo swap, para rezultadu swab ne’e hodi halo viajen ba Áustria, nune’e dia 03 ne’e bele sai hosi Timor ona, hodi tuir programa International Parliamentary Union (IPU) nian” informa vise PPN, Luis Roberto, iha PN Kinta (02/09).

Deputadu bankada CNRT, José Virgílio, konsidera, planu viajen ne’e hanesan diskriminasaun, tanba populasaun iha Díli kumpri hela regra KDJ ne’ebé Governu aplika.

Nia hatete, iha situasaun atuál afeta ba saúde publiku, tan ne’e nia prefere hala’o deit enkontru ne’e via zoom, nune’e labele mosu diskriminasaun.

“Ita bandu hotu populasaun atu ba de’it Munisípiu mós labele tiha, depois agora ita bo’ot sira ne’e mak atu ba fali rai-liur ne’e kona-bá saida nian. Viajen ida ne’e laiha liu kedas sentidu ba rai ida ne’e” kestiona deputadu CNRT ne’e.

Ekipa PN ne’ebé sei dezloka ba Áustria ne’e mak hanesan, PPN Aniceto Guterres Lopes, Vise PPN Luis Roberto, no Xefe Bankada PD, António da Conceição ‘Kalohan’.

Oráriu fixu viajen nian, ekipa sei sai husi Aeroportu Internasionál Nicolao Lobato, Sesta loron 03, fulan Setembru ne’e, iha tuku 01:00 oras Timor Leste lorokraik, ho vou komersial husi Malázia. Atividade Uniaun Inter-Parlamentar ne’e sei hala’o durante semana rua.

Tuir informasaun ne’ebé GMN asesa iha PN katak, iha mós pedidu ba deputadu na’in 4 ne’ebé inklui bankada CNRT, maibé hosi bankada CNRT kansela, tanba la prienxe kriteriu vasina COVID-19.

Governu liu hosi Konsellu Ministru deside estente KDJ iha Díli, to’o loron 9, fulan Setembru, no estende mós Estadu Emerjénsia to’o loron 29, fulan Setembru, tinan ne'e.

Medida ne’ebé Governu aplika, sidadaun hotu iha Munisípiu Díli, inkuli sira ne’ebé kompleta ona vasina dala-rua, kontinua hela iha uma, maibé atu sai ba liur permite de’it ba sira ne’ebé ho razaun saúde, ba serbisu iha kazu administrasaun públika, ba nesesidade bázika, no simu vasina kontra COVID-19.Say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker