GMN TV Politika Posibilidade Díli implementa uluk new normal

Posibilidade Díli implementa uluk new normal

189 views

Posibilidade Munisípiu Díli, Governu sei implementa uluk new normal, tanba taxa vasinasaun kontra COVID-19 besik ona porsentu 80.

“Munisípiu hotu-hotu Díli mak avansadu liu, se ita dehan 80 pursentu tama ba normalidade, primeira ba Díli,” dehan Primeiru Ministru Taur, hafoin enkontru ho Prezidente Repúblika Francisco Guterres Lú Olo, iha nia rezidénsia Farol, Kinta (16/09).

Tanba ne’e Xefe Governu nafatin husu Ministériu relevante sira kontinua kampaña vasinasaun ba komunidade hotu. No apela mós ba populasaun tomak atu simu vasina, nune’e kontribui ba hamenus risku transmisaun virus.

Governu mós halo hela esforsu, bainhira tama ba fulan Outubru, labarik idade 12 to 18 sei hetan hotu vasinasaun.

Atualizasaun dadus vasinasaun Munisípiu Díli nian to’o loron 15, fulan ne’e, vasina doze dahuluk populasaun idade 18 ba leten hamutuk 162.290, reprezenta porsentu 75.9. No populasaun ne’ebé simu ona doze daruak foin hamutuk 132.869, reprezenta porsentu 61.2.

Enkuantu ba territóriu nasionál, vasina populasaun ne’ebé simu ona vasina doze dahuluk hamutuk 409.259, reprezenta porsentu 54.2. No populasaun ne’ebé simu ona doze daruak hamutuk 234.803, reprezenta porsentu 30.2.Dms


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker