GMN TV Politika PPN Aniceto: Sosiedade sivíl la hatene lei, “lalika koalia”

PPN Aniceto: Sosiedade sivíl la hatene lei, “lalika koalia”

1,378 views

Prezidente Parlamentu Nasionál (PPN), Aniceto Guterres, hatete, sosiedade sivíl interpreta lei la hatene lalika kritika barak.

Nia hatete, ekipa Parlamentu Nasionál (PN) ne’ebé dezloka ba Áustria ne’e tanba kumpri funsionamentu órgaun Estadu nian.

“Sosiedade Sivíl sira interpreta sala, interpretasaun lalos, se la hatene interpreta lei, lalika koalia” dehan PPN Aniceto Guterres, iha Aeroportu Internasionál Nicolao Lobato Comoro, hafoin fila husi Áustria, Segunda (14/09).

Aniceto Guterres mós dezafia sosiedade sivíl atu lori nia ba tribunál, karik viola regra ruma kona-ba Konfinamentu Obrigatótiu Jerál.

“Ami hatene halo lei, ami hatene implementa lei, se ida ne’e viola lei, lori ba tribunál”  katak nia.

Nia mós konsidera krítika eis Prezidente Repúblika José Ramos Horta nian la vale.

“Hanesan diplomata senior nia komentáriu, ne’e vale ba nia, hau Prezidente Parlamentu,” konsidera nia.

Deputadu Partidu Demokrátiku (PD), António da Conceição afirma, mesmu deslokasaun ne’e hetan krítika barak, maibé TL partisipa iha eventu ne’e toka asuntu importante iha konferénsia Uniaun Parlamentár ne’e, liu-liu mak kona-ba kombate hasoru COVID-19.

Koalia mós kona-ba partisipasaun feto nian iha vida polítika, juventude paz no estabilidade iha nasaun ida-idak.

Antes ne’e, FONGTIL kestiona katak, viajen ekipa PPN nian ba Áustria iha tempu Konfinamentu Obrigatóriu Jerál, konsidera krime.

No eis Prezidente Repúblika, José Ramos Horta mós lansa kritika, tanba viajen iha situasaun COVID-19 ne’e lori risku boot ba nasaun. Husu mós ekipa ne’e, bainhira fila husi Áustria, tenke aprezenta transparánsia kona-ba gastu sira ba viajen ne’e, ba públiku.Eca


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker