Segundu Vise Prezidente Parlamentu Nasionál (PPN), Angelina Sarmento hatete, (PPN) ho ekipa aranka ona ba Áustria, tanba vasina kompletu mak fasilita ema atu movimentu ba mai lívre.
“Ho vasina ne’e bele fasilita ema atu bele movimentu ba mai ona, ho nune’e maka Prezidente Parlamentu Nasionál ho ekipa ida ne’ebé kompostu husi vise Prezidente Luis Roberto no Deputadu António da Conceição ba partisipa eventu ida ne’e iha Áustria, atu halibur hamutuk ho membru Deputadu sira husi Cento itál paises” dehan Segundu Vise PPN, Angelina Sarmento, iha PN, Sesta (03/09).
Dezlokasaun hetan kritika maka’as husi komunidade no Deputadu opozisaun rasik, maibé Angelina Lopes Sarmento, hatete, viajen ne’e labele kansela, tanba programa ne’e prepara antes. “Programa ida ne’e preparadu kedas fulan hira kotuk,” dehan nia.
Governu liu husi Konsellu Ministru aprova ona rezolusaun hodi estende Konfinamentu Domisiliáriu Jerál (KDJ) ba ema hotu ne’ebé hela iha Díli, inklui sira ne’ebé vasina kompletu labele halo movimentu.
Maibé iha fali rai-laran, Governu daualu ne’ebé lidera husi Primeiru Ministru, Taur Matan Ruak, bandu fali sidadaun sira ne’ebé vasina kompleta dala-rua ona atu labele halo movimentu tun-sa’e, ne’ebé deklarasaun ne’e hetan krítika maka’as husi sosiedade sivíl nomós populasaun sira tomak tanba PM Taur la konsistente ho nia deklarasaun ne’ebé antes ho agora la hanesan.Eca
