GMN TV Politika PR dekreta Ma’Huno halo’ot iha JHPM

PR dekreta Ma’Huno halo’ot iha JHPM

63 views

Prezidente Repúblika (PR), Francisco Guterres Lú Olo, liu husi Dekretu Prezidensiál, númeru 80/2021, 27 Setembru, dekreta Estadu fó onra fúnebre no halo’ot António João Gomes da Costa ‘Ma’Huno Bulerek Karathayano’ iha semitériu Jardim dos Herois da Pátria Metinaro (JHPM).

Dekretu PR ne’ebé publika ona, iha Jornál Repúblika, katak, Konstituisaun konsagra rekoñesimentu no valorizasaun ba rezisténsia sekular “Povu Maubere” kontra dominasaun estranjeira no kontributu ema hotu-hotu ne’ebé luta ba independénsia nasionál.

Lei kona-ba Estatutu Kombatente Libertasaun Nasionál hatete mós vontade atu fó omenajen ba esforsu sira ne’ebé manifesta husi Kombatentes Libertasaun Nasionál iha luta Independénsia Nasionál.

Haree ba kontribuisaun ba Luta Libertasaun Pátria, Konsellu Kombatente Libertasaun Nasionál (CCLN-sígla portugés) autoriza António João Gomes da Costa ‘Ma’Huno Bulerek Karathayano’ iha direitu atu hetan onras fúnebre no hakoi iha semitériu espesiál iha Jardim dos Herois da Pátria Metinaro,” sita iha komunikadu imprensa iha dekretu PR, ne’ebé JND asesa Segunda (27/09).

Saudozu nia kontribuisaun iha luta libertasaun Pátria, nu’udar Fundadór ASDT, membru Comité Central FRETILIN (CCF), Xefe Konsellu Polítiku Militár Frente Armada, Sekretáriu Komisaun Diretiva FRETILIN, Komandante FALINTIL, Sekretáriu Rejiaun 3.

No matebian nu’udar líder ida ne’ebé inspira no besik tebes ba foin-sa’e klandestinu sira iha vila laran, iha Timor-Leste no iha Indonézia.

José António Gomes da Costa Ma’Huno Bulerek Karathayano moris iha 14 Abril 1949 iha Manatuto. No iha 24 Setembru tinan ne’e, haktotu iis iha Ospitál Nasionál Guido Valadares (HNGV-sígla portugés) tanba moras stroke.

PN fó votu pezár ho unanimidade

Parlamentu Nasionál (PN) liuhosi plenária Segundaa (27/09/2021), fó votu pezár ba saudozu Ma’Huno Bulerek Karathayano ho unanimidade. Votu númeru 27/V(4ª) ne’e aprovadu ho a-favór 53, kontra 0, no abstensaun 0.

Iha plenária ne’e, Parlamentu Nasionál mós hananu hinu nasionál no minutu ida hakmatek, hodi omenajen  no onra ba erói Ma’huno nia luta no sakrifisiu ne’ebé oferese ona durante luta ba libertasaun nasional.

“Ma’Huno Bulerek Karathayano erói ba independénsia, nia espíritu abnegasaun, korajen no sakrifísiu sei sai ezemplu no sai inspirasaun ba ita no ba povu tomak, hodi hatutan luta ba libertasaun nasionál,”afirma PPN, Aniceto Guterres Lopes,  bainhira prezide plenária hodi fó omenajen, iha Segunda (27/09/2021).

Iha deklarasaun, bankada Parlamentar sira mós fó sasin ba luta ne’ebé erói ne’e marka ona iha istória Timor-Leste nian.

“Bankada CNRT iha PN triste tebes, tanba lakon líder ida ne’ebé mak fó ona inspirasaun polítika ba CNRT, no programa CNRT durante ne’e, sempre tau a’as interese povu no partidu ninian, nu’udar interese Estadu. Kompañeiru Ma’huno hatudu ona nia konsisténsia iha luta rezisténsia hamutuk ho povu no luta na’in sira seluk ne’ebé mak mate tiha ona, maibe sira hotu-hotu nia mate ne’e mak ita-nia rain agora hetan independénsia,” dehan deputada Virgínia Ana Belo iha deklarasaun bankada nian.

Bankada apoiu Governu mós fó sasin, Ma’Huno nu’udar figura ida importante tebes iha luta libertasaun pátria nian, nu’udar mós fundadór ba partidu ASDT no FRETILIN.

“Ma’huno asuain ba libertasaun nasionál, nu’udar mós figura únika ida iha ita-nia iestória. Polítika ida fundadór ASDT ne’ebé mak muda FRETILIN, foti kilat nu’udar kombatente hasoru okupasaun Indonézia, no ikus kaptura hosi inimigu liu tiha besik dékade rua. Asuain Ma’huno konsege haree no akompaña TL nia independénsia depois restaurasaun, biar kruel destinu taka tiha nia ibun, maibe nia nafatin espresa liuhosi jestu de’it” hatete xefe bankada FRETILIN.

Saudozu Ma’Huno Bulerek Karathayano moris iha loron 14, fulan Abril, tinan 1949, no hakotu iis iha Sesta loron 24, fulan Setembru ne’e, tanba sofre moras strok.Say


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker