GMN TV Politika PR-PPN la marka prezensa abertura sesaun lejislativa da-haat

PR-PPN la marka prezensa abertura sesaun lejislativa da-haat

111 views

Kada tinan Parlamentu Nasionál (PN) sempre halo abertura ba sesaun lejislativa foun, ne’ebé bai-bain sempre abertura hosi Prezidente Repúblika (PR) ho Prezidente Parlamentu Nasionál (PPN).

Maibé iha abertura sesaun lejislativa da-haat iha mandatu kinta lejislatura ne’e, diferente tebes ho sesaun sira anteriór hosi Asembleia Konstituente to’o kinta lejislatura ne’e, tanba abertura sesaun ne’e PR, Francisco Guterres Lú Olo ho PPN, Aniceto Guterres la marka prezensa.

Tanba ne’e abertura sesaun lejislativa da-haat ne’e hala’o ho simples tebes, ne’ebé prezide hosi Prezidente Parlamentu ein-ezersisiu, atúal Vise Prezidente Parlamentu, Maria Angelina Sarmento.

Tuir konstituisaun repúblika artigu 99, aliñea 1 hatete, iha lejislatura ida, iha lejislativu lima, no sesaun lejislativa ida dura to’o tinan ida. Kada sesaun lejislativa ida, hahú iha loron 15, fulan Setembru to’o loron 15, fulan Jullu, tinan tuir mai.

Iha plenária abertura sesaun lejislativa foun ne’e, Prezidente ein-ezersisiu Maria Angelina Sarmento hatete, lei la obriga Xefe Estadu tenke marka prezensa.

“Serimonia ita halo simples de’it, la hanesan iha kotuk, ne’ebé ita halo mós sesaun solene ida ne’ebé iha prezensa hosi Prezidente Repúblika ho konvidadu de onra sira,” hatete Maria Angelina Sarmento, iha PN Kuarta (15/9).

Iha lejislativa ne’ebé liu dadauk, PN hatudu produtividade, tanba konsege aprova ona lei importante lubuk ida. Maibé dezafiu mak iha parte fiskalizasaun, tanba impaktu husi COVID-19.

Sesaun lejislativa ne’e to’o Dezembru, PN sei fó prioridade ba lei hirak ne’ebé iha prosesu debate, hanesan Lei Enkuadramentu Orsamental, Lei Organizasaun Judisiária, estatutu Ministériu Públiku no Majistradu Judisiál no Lejislasaun ba Poder Lokál.

Abertura sesaun lejislativa foun ne’e la marka prezensa hosi PPN, tanba kumpre hela auto-kuarentena, hafoin fila hosi Áustria iha loron 14, fulan ne’e.

No PR la marka prezensa, tanba kondisaun moras la permite, no antes ne’e mós Lú Olo kansela mós nia viajen ba Estadu Unidu Amérika (EUA) ho Portugál, ho razaun hanesan.Say


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker