Ketua Dewan Perwakilan Rakyat (DPR) Repúblika Indonézia (RI), Puan Maharani, afirma nu’udar nasaun viziñu, kontinua apoia Timo-Leste (TL) sai membru ASEAN.
Pozisaun ketua DPR, Puan Maharani hato’o ba Prezidente Parlamentu Nasionál, Aniceto Guterres Lopes ho ekipa, bainhira hala’o enkontru bilateral iha loron 7, fulan Setembru ne’e, iha Áustria.
Reuniaun bilaterál ne’ebé hala’o iha konferénsia mundiál ba Prezidente Parlamentu sira ne’e, ho objetivu atu reforsa liu tan “relasaun bilaterál no diplomasia parlamentár Timor-Leste ho Indonézia” sita iha komunikadu ne’ebé GMN asesa.
Promove no haburas valór demokrasia no respeita ba direitu umanu iha nível mundiál no rejionál, no esplora posibilidade no oportunidade ba parseria no kooperasaun ka asisténsia téknika direta ho Parlamentu Nasionál hodi konsolida no moderniza dezenvolvimentu institusionál ne’ebé refleta iha Planu Estratéjiku Parlamentu Nasionál nian 2017-2022.
Alénde ne’e, reprezentante nasaun rua ne’e mós diskute kona-bá oinsa atu prevene movimentu ilegál iha fronteira terrestre entre TL ho RI.Say
