GMN TV Politika TL deside “Lutu Nasionál” durante loron tolu

TL deside “Lutu Nasionál” durante loron tolu

70 views

Konsellu Ministru (KM), delibera ona dekreta Lutu Nasionál, ba antigu Prezidente Repúblika Portugés, Jorge Fernando Branco de Sampaio, durante loron tolu, iha territóriu nasionál.

Lutu Nasionál ne’e durante loron tolu, hahú Segunda, loron 13, to’o tuku 07:59 dader, Oras Timor-Leste loron 16 fulan ne’e.

“Deklarasaun Lutu ida ne’e ita sei Lutu Nasionál ba loron tolu, iha loron tolu ne’e nia laran, sei hasa’e bandeira to’o iha klaran deit ou meia haste, nune’e mós sei aplika iha fatin hotu-hotu inklui iha ita nia misoens diplomátika sira iha rai liur no instalasoens sira seluk de akordu ho lei,” dehan Ministru Prezidénsia Konsellu Ministru, Fidelis Leite Magalhães, iha Palásiu Governu, Segunda (13/09).

Governu dekreta Lutu Nasionál ne’e tanba, durante nia mandatu nu’udar Prezidente Repúblika, saudozu Jorge Sampaio nia kontribuisaun boot ba luta libertasaun pátria TL nian.

Primeiru Ministru Taur Matan Ruak hatete, Jorge Sampaio hanesan Prezidente ida ne’ebé, kontribui maka’as ba Restaurasaun Independénsia Nasionál, iha ne’ebé nia mai nu’udar konvidadu de onra iha seremónia ne’ebé hala’o iha loron 20, fulan-Maiu tinan 2002.

Iha tinan 2016, Jorge Sampaio simu kondekorasaun Grande Colar de Ordem Timor-Leste, ba antigu Prezidente Portugés ne’e, nu’udar rekoñesementu ba nia solidariedade, no apoiu ativu, iha luta ba independénsia Timor nian.

Kondekorasaun ne’e entrega direta husi atuál Primeiru Ministru, iha Lisboa Portugal, bainhira Taur Matan Ruak sei asume pasta hanesan Prezidente Repúblika (PR).

Eis Prezidente Portugés ne’e, hakotu i’is, iha loron 10 fulan ne’e, ho idade 81, tanba sofre moras respiratóriu.Ags


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker