GMN TV Politika Vizita izolamentu Lahane, PM Taur rekomenda pontu importante tolu

Vizita izolamentu Lahane, PM Taur rekomenda pontu importante tolu

175 views

Primeiru Ministru (PM), Taur Matan Ruak, hala’o vizita dahuluk ba sentru izolamentu Lahane, hodi haree no rona direta preokupasaun profisionál saúde sira nian, fasilidade iha sala izolamentu ne’e, no kondisaun pasiente COVID-19 ne’ebé sei baixa hela.

Iha vizita ne’e, PM rekomenda pontu tolu importante ba pasiente, família pasiente no sidadaun hotu, atu agradese ba sakrifísiu profisionál saúde sira, iha ámbitu COVID-19.

Pontu dahuluk mak iha situasaun kalamidade ne’ebé nasaun hasoru, servisu maka’as liu mak profisionál saúde sira, tanba la hatene kalan no loron, abandona sira nia família, tanba atu salva ema seluk nia vida.

“Ita kuandu moras ona, ita fiar iha buat tolu, ida mak Maromak, ida seluk mak médiku sira no doutór sira, tanba sira hader loron kalan servisu haluha sira nia kole ezatamente atu salva ita, terseiru mak ita nia família” hatete Xefe Governu, ne’e, iha izolamentu Lahane, Díli, Sábadu (18/09).

Pontu Daruak mak rekomenda ba sidadaun hotu fó konfiansa no servisu hamutuk ho profisionál saúde ba kombate corona virus, nune’e nasaun bele lívre ona husi virus ne’e.

Ikus liu mak rekomenda profisionál saúde sira atu hametin amizade diak ho médiku Australianu sanulu resin ne’ebé reforsa médiku Timor-oan, ba tratamentu pasiente COVID-19 iha sala izolamentu sira.

Tanba liu hosi kria amizade diak, bele esforsu hamutuk salva pasiente sira husi virus ne’e, nomós médiku Timor-oan sira bele hetan tan esperiénsia tékniku profisionál ba tempu naruk nian.

“Tanba ita nasaun ida 20 anus nurak demais, entaun ita sei iha difikuldade barak, so ita ultrapasa difikuldade sira ne’e se ita hatene kria parseria” dehan nia.

Iha vizita ne’e, Xefe Governu deskobre mós parte lojístika balu ne’ebé presiza aumenta mak hanesan espasu ba pasiente no família sira ladun iha, Jestaun ba lixu sira. “Entaun hanusa mak ita hadia ida ne’e, ne’e importante los,”hakotu.Ags


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker