GMN TV Politika Governu sei lori fali programa ba PN "Ministru Estadu ida mak sei reprezenta PM Alkatiri"

Governu sei lori fali programa ba PN "Ministru Estadu ida mak sei reprezenta PM Alkatiri"

0 views

Primeiru Ministru (PM), Mari Alkatiri, Sesta (20/10/2017),  konvoka hikas reuniaun ho membru Governu sira iha sala Konsellu Ministrus, Palacio Governo, hodi koalia fila fali konaba programa Governu ne’ebe la passa iha Parlamentu Nasional (PN).

Programa VII Governu ne’ebe aprezenta iha Uma Fukun PN to’o Kinta lorokraik (19/10/2017),  Bankada opozisaun CNRT, PLP ho KHUNTO, halo mosaun rejeisaun no opozisaun maioria parlamentar vota kontra programa ne’e.  Nune’e, Xefi Governu Mari Alkatiri, lia tun dehan, programa Governu nian la passa tanba opozisaun sira mai ho dokumentus rezeisaun nudar visiu, veneno no vingansa.

Portavoz Governu no Sekretariu Estadu Konsellu Ministru no Komunikasaun Social, Matias Freitas Boavida, afirma katak, maske programa la passa iha diskusaun, maibe tuir Lei no Konstituisaun hateten katak, Governu sei iha loron 30  hodi haree hikas no lori fali ba PN.

 “Governu servisu nafatin tuir Konstituisaun. Ami sei iha loron 30 atu bele aprejenta programa foun, ami prepara hela buat ne’ebe ejijensia mai husi Parlamentu Nasional no sei hodi hikas hodi ba deskute ba dala rua nian iha PN,”informa Sekretariu Estadu Matias Boavida ba Jornalista.

Maske Primeiru Ministru, Mari Alkatiri deklara ona katak nia sei la lori tan programa daruak ba PN, tuir Mateus Boavida, katak ne’e la iha problema, maibe programa Governu nafatin ba tanba iha Ministru Estado ida representa Primeiru Ministru hodi aprejenta programa ne’e.

Matias Boavida deklara mos katak, setimu Governu la’os Governu jestaun maibe mantein VII Governu Konstitusional.

“Setimu Governu konstitusional, la’os Governu de jestaun, tanba konstituisaun fo dalan atu ami ba aprejenta ba dala rua, ne’ebe ami kumpri saída maka konstituisaun haruka,” hateten Matias Boaivda.

Veneno no vingansa

Primeiru Ministru (PM), Mari Alkatiri, konsidera  mosaun rejeisaun ne’ebe aprezenta husi partidu opozisaun sira iha Parlamentu Nasional, hodi kontra totalmente prtograma VII Governu Konstitusional nian hanesan visiu veneno no vingansa.

“Ha’u konta uluk istoria ida. Iha joven nain rua, feto no mane hakarak malu no hola malu. Depois labarik feto ne’e isin rua no nia dehan ba mane katak, nia isin rua ona. No mane dehan, mas manus lka barik nee moris mai feto ka mane? Se mane, hau oho no se feot mosh au oho. Hakarak hateten saida, labarik ne’e seidauk moris no boot sira oho uluk ona keta tauk labarik ne’e boot sei halo diak liu karik. Hanesan mos situasaun ida agora, ita tenke oho kedas para nia la bele halo buat ida,” hateten Alkatiri iha nia intervensaun hodi responde ba argumentu Bankada opozisaun sira nian wainhira aprezenta tiha mosau rejeisaun iha PN.

Alkatiri mensiona katak, ida ne’e sai hanesan hatudu  istória ida ne’e mate ne’ebé prenunçiada. Oho labarik prenunciado. Molok programa ne’e fo sai sira mos hatete kedas atu vota kontra no rejeita. Sasan ne’e mai ho visiu, no veneno hetan rejeisaun molok hatudu.

Antes hahu nia intervensaun, Alkatiri  hasai uluk sasuik husu nia kazaku hodi sui tiha nia fuuk hodi bele sai bonito iha televizaun.

“Iha fim semana atu ba Oecusse no tuir ba Lautem. Maibe la signifika katak hau resigna an. Hau atu kumpri Konstituisaun no maske Primeiru Ministru minoritariu no jestaun, hau sei kumpri,” afirma Mari Alkatiri. mia/ety


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker