GMN TV Politika JORDSN husu, Lider nasional solusiona tensaun polítika rai laran

JORDSN husu, Lider nasional solusiona tensaun polítika rai laran

0 views

Junta Organizasaun Rezistensia Defeza Soberania Nasional (JORDSN),  husu lider nasional hanesan, Prezidenti Repúblika (PR) Fransisco Guterres ‘Lú  OLo’, Kay Rala Xanana Gusmão, Mari Alkatiri, Taur Matan Ruak no mós Partidu Demokartiku (PD) no Kmanek Haburas Unidade Nasional Timor Oan (KHUNTO) atu tur hamutuk buka solusaun ba tensaun polítika ne’ebé akontese iha rai laran, nune’e bele fo moris hakmatek ba povu Timor tomak.

“Husu ba Prezidenti Republika         Fransisco Guterres “Lu-Olo” uza nia kompetensia tuir konstituiasaun haruka konvoka maun bo’ot nain tolu, Xanana Gusmão, Mari Alakatiri, no Taur Matan Ruak, no ulun bo’ot partidu rua PD ho KHUNTO, atu tur hamutuk hodi buka solusaun ba situasaun ne’e iha tempu badak, tamba buat ne’ebé prioriedade mai ami atu lori sira ba dialogu, iha prezidensia nia kompetensia,”hatete Porta Voz JORDSN, Grigorio Saldanha, liu husi deklarasaun konferensia ba imprensa ba Jornalista sira Sesta (27 /10/ 2017) iha Edifisiu Comite 12 de Novembro, Balide, Dili.

Nia hatutan, ulun bo’ot sira loke laran no fo oin ba malu, husu maun bo’ot sira lider husi partidu 5 iha asentu paralmentar hodi hare hamutuk didiak programa ne’ebé diak ba povu hodi sustentabiliza moris povu tomak nian.

“Nu’udar ema ne’ebé barak ka oituan uluk kontirbui mós ba prosesu luta ukun rasik a’an Timor Leste nian, ami ho laran triste tebes, katak ba reprezentante povu iha uma fukun Parlamentu Nasional, povu maubere presija moris diak no saudavel, tan ne’e hatur interese nasional a’as liu interese grupu ká partidu nian, tan programa ne’e pro povu, katak atu hadia povu nia moris, ami sei halo esforsu tomak sira ida-idak, atu hato’o ami nia pedidu ida ne’e” dehan Porta Voz JORDSN.

Entretantu membru JORDSN, Leandro Isac, hatete, deklarasaun JORDSN nian la’os atu presiona lider nasional sira, liu –liu partidu lima iha Parlamentu Nasional atu iha tempu badak bele tur hamutuk hodi fo fila fali moris hakmatek lor-loron nian ba povu ne’ebé oras ne’e moris iha mukit no kiak nia laran.

Entertantu David  Dias hanesan mós membru JORDSN, afirma, karik ulun bo’ot sira lakohi buka solusaun ba situasaun ne’e, signifika sira hakarak eziji povu atu koalia.

“Povu mós hatene bo’ok a’an sé povu mak la hatene Referendu la manan ida, porque ema ho forsa no oho ema barak mak povu vota nafatin, agora mós povu halo, povu sei hatene halo, tamba povu ne’e matenek ona, ne’e duni lider sira tenki tur hamutuk, para depois la bele tan halo povu ne’e, halo tan despeza, para saida mak sira-nia lakohi no hakarak,”dehan David.Oly


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker