GMN TV Politika La garante Governu dura to’o tinan 5, CNRT la partisipa tomada de posse membru VII Governu

La garante Governu dura to’o tinan 5, CNRT la partisipa tomada de posse membru VII Governu

0 views

Xefi bankada CNRT, Arão Noe Amaral, esklarese, bankada CNRT la partisipa iha seremonia tomada de posse membru VII Governu, tanba CNRT la garante VII Governu ne’e atu dura to’o tinan lima (5).

“CNRT la’os la apoia, maibé tanba kompozisaun Governu ne’e de’it mós la garante ba estabilidade Governativa ne’e rasik,”dehan Arão Noe, ba jornalista sira iha PN, Kuarta (04/10).

Nia hatutan, forma Governu ida, tenki garante nia estabilidade, mínimu tenki liu 50+1, para Governu rasik garante nia estabilidade, no partidu seluk ne’ebé hetan asentu Parlamentar  ne’e, bele fó apoiu iha insidensia Parlamentar.

“Se Governu de’it la garantia ona, depois hakarak husu ema seluk mak ba garantia fali, ida ne’e lalos,” katak Arão Noe.

Maibé Xefi bankada FRETILIN, Francisco Branco husu ba CNRT atu labele radikal liu ho situasuan ne’ebé iha.

“Ha’u hanoin ne’e ita radikal liu, kestaun Estadu ita labele iha sentimentu atu iha vingansa. Bele iha diferensa hanoin, polítika no programas, maibé objetivu ikus liu ne’e mak moris povu nian,” katak Branco.

Nia hatutan, povu iha direitu atu moris hakmatek, no Governu tenki dezenvolve povu nia moris hodi fila povu nia moris ba diak.

“Governu mak tenki garante estabilidade Governativa to’o fim, maibé tenki iha mós kooperasaun husi parte sira seluk,” katak Branco.

Tuir FRETILIN nia hanoin, mesmu Governu ida manan maioria absoluta, maibé kuandu nia mesak de’it, labele garante estabilidade Governativa to’o fim, kuandu komponente hotu la hamutuk.

Tanba ne’e Francisco Branco husu CNRT atu hanoin pozitivu ba interese Estadu no interese povu nian.

Antes ne’e, Bispu Dioseze Baucau, Dom Basilio do Nascimento, hatete,  Partidu rua hanesan FRETILIN ho PD mak halo koligasaun ba forma VII Governu ho deit kadeira 30 iha frajilidade oitoan, tanba Partidu tolu ne’ebé deside ba opozisaun ho kedas kadeira 35.cos


Banner

Foto

Notisia Ikus

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...

PM no Vise PM nain rua la partisipa iha aprezentasaun programa 2023 ba PR

June 27, 2022
Membru Governu iha semana kotuk aprezenta progra...

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker