GMN TV Politika Ohin, VII Governu haruka programa ba PN Programa governu bazeia ba komprimisiu eleitoral

Ohin, VII Governu haruka programa ba PN Programa governu bazeia ba komprimisiu eleitoral

0 views

VII Governu governu konstitusional ne’ebe lidera  Primeiru Ministru (PM) Mari Alkatiri, ohin Segunda (09/10/2017) aprezenta programa governu nian ba Parlamentu Nasional (PN), programa refere bazeia ba komprimisu eleitoral atu dezenvolve povu no nasaun ida ne’e.

Iha loron Sesta (6/10/2017) kotuk Konselho Ministrus (KM) aprova ona programa VII Governu nian ba tinan lima atu lori ba hetan apresiasaun husi PN.

Sekretariu Estadu Konselho Ministrus no Komunikasaun social, Matias Freitas Boavida, seidauk bele informa detalhado programa Governu nian, maibe hein katak, sei hetan apresiasuan husi PN.

“Ita hein disponibilidade Parlamentu Nasional  atu bele fo apreisasaun ba programa Governu nian ne’e,” hateten Matias Boavida, iha KM semana kotuk ne’e.

 Nune’e mos iha parte seluk bankada FRETILIN rasik garante katak programa Governu bazeia ba komprimisiu eleitoral ne’ebe partidu koligasaun iha atu dezenvolve nasaun no povu iha rai ida ne’e.

“Ami iha esperansa atu dezenvolve rai ida ne’e, partidu sira seluk mos iha programa hanesan, tanba laiha partidu ida harii ho programa ida ne’ebe hakarak atu destroi, ne’ebe bele konsidera programa partidu hot-hotu hodi nune’e dezenvolve rai ida ne’e diak liu tan iha tinan lima mai,” afirma deputadu bankada FRETILIN, Aurelio Freitas.

Nia hatutan, iha programa barak, maibe atu hahu uluk husi ne’ebe, tanba programa partidu nian dala ruma iha diferensia, programa ne’ebe Governu sei lori mai iha Parlamntu automatikamente refleta realidade moris povu nian.

“Nesesidade baziku maka sai preukupasaun ema hot-hotu nian, hanesan estrada ligasaun nasional to’o area rural, elektrisidade, saude, bee mos no kualidade edukasaun. Husu boot ba programa Governu nian bele responde preukupasaun povu nian,” hateten Aurelio Freitas.

Entretantu xefe bankada Partidu Libertasaun Popular (PLP) Fidelis Magalhães hatete, espera prrograma governu nian ne’ebe mak sei aprezenta mai PN ne’e hanesan mos programa PLP nian.

“Bankada Parlamentar PLP hein programa Governu nian, depois iha tempu loron lima hodi estuda diak hodi foti desizau ruma. Ami espera katak programa ne’ebe sira lori mai hanesan mos ami nian, teorikamente lori moris diak ba povu,” afirma Fidelis Magalhães.

Maibe nia dehan, PLP seidauk haree formatu programa Governu nian, tanba ne’e seidauk bele halo afirmasaun klean hodi hola pozisaun PLP nian.ekipa GMN


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker