GMN TV Politika Ohin, Xanana to’o iha TL "Bandu komunidade lori atributu ParPol ba aeroportu"

Ohin, Xanana to’o iha TL "Bandu komunidade lori atributu ParPol ba aeroportu"

0 views

Xefi negosiador prinsipal ba Fronteira Marítima (FM), Kay Rala Xanana Gusmão, tuir planu, ohin Kuarta (25/10/2017) fila hikas mai Díli, Timor-Leste (TL), hafoin partisipa iha negosiasaun FM iha rai liur ne’ebé fo rezultadu pozitivu.
Tamba ne’e, PNTL apela ba komunidade hotu ne´ebé hela iha Díli laran kuandu ba simu Xefi Negosiador FM ne’e atu labele lori atributu partidu polítiku (ParPol) no mós sasan kroat sira.
``Hanesan ita hotu hatene katak, ita-nia asuain Komandante em Xefi Forsa Armadas Libertasaun Nasional Timor-Leste FALINTIL, maun bo’ot Kay Rala Xanana Gusmão ne´ebé hetan tan konfiansa dala rua husi povu Timor-Leste tomak hodi lidera ekipa diskusaun FM iha rai liur no hetan susesu bo’ot sei fila hikas mai ita-nia rai, ne´ebé tuir informasaun sei to’o aban (Ohin-red) iha Aeroportu internasional Prezidenti Nicolau Lobato, Dili,``esplika Komandante Jeral PNTL Komisariu Julio Hornai, ba jornalista sira, Tersa (24/10/2017), iha nia kna´ar fatin Kuartel Jeral PNTL Díli.
Ho ida ne’e, konvida povu Timor Leste tomak tantu membru Governu, partidu polítiku, veteranu, juventude loriku asuain no sel-seluk tan nu’udar Timor oan sei organiza malu hodi ba simu maun bo’ot Kay Rala Xanana Gusmão iha Aeroportu.
``Relasiona ho ida ne´e Prezidenti Repúblika ho Ministru Defeza Seguransa orienta Xefi Estadu Maior Jeneral F-FDTL ho Komadante Jeral PNTL atu asegura no la autoriza ba se deít husi partidu ne´ebé de´it atu utiliza atributu partidu nian ba Aeroportu hodi simu ita-nia maun bo’ot Kay Rala Xanana Gusmão. Se deit mak hakarak ba simu ita-nia maun bo’ot tenki ba hanesan sidadaun Timor-Leste. tanba ita-nia maun bo’ot ba reprezenta povu tomak nasaun Timor-Leste ne´e hodi luta no liberta ita nia fronteira tasi Timor. Hanesan nasaun soberania la´os reprezenta ema ida ka grupu ida ka partidu ida,``dehan Julio Hornai.
Julio Hornai dehan, atu asegura maun bo’ot Xanana nia chegada ne’e mak sei koloka PNTL iha area resintu Aeroportu husi Estatua Prezidenti Nicolau Lobatu to’o ba iha Aeroportu no sei pasa revista no buska ba atributu partidu no sasan kroat, antes tama ba Aeroportu hodi partisipa iha eventu simu maun bo’ot Kay Rala Xanana Gusmão.avi


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker