GMN TV Politika VII Governu sei simu tan pose ba dala ikus

VII Governu sei simu tan pose ba dala ikus

0 views

Maske estrutura VII Governu kompleta ona 30 pesoas hodi simu pose iha Tersa (03/10/17) ohin, maibé sei iha tan faze ikus ba membru VII Governu atu simu pose, tanba estrutura Governu foun  ne’e sei liu husi 30 pesoas.

Tuir Xefi bankada FRETILIN, Francisco Branco, katak,  FRETILIN planeia lista membru Governu ne’e 30 de’it, maibé ho ezersisiu ida hala’o dadauk ne’e, membru Governu bele liu 30.

“Karik mak FRETILIN manan maioria, estrutura Governu ideal ne’e 30 de’it. Maibé tanba soberania iha povu nia liman, povu haruka ita para servisu hamutuk hodi dudu dezenvolvimentu ba oin, tenki halo mudansa ba situasaun. Haree ba situasaun ida ne’e mak, membru Governu ne’e sei liu husi 30,”dehan Francisco Branco ba GMN iha Parlamentu Nasionál, Segunda horiseik.

Nia hatutan, VII Governu ne’e nakole ba ema hotu, tanba agora dadaun ne’e, tama ona ba faze tranzisaun jerasional, tanba lider bo’ot sira nasaun ne’e nian, sira-nia idade mós avansa ona, no sira-nia enerjia mós menus ona.

“Estrutura Governu ki’ik ne’e, la signifika sei la hala’o servisu, tanba desizaun polítika ne’e membru Governu sira nian, implementador ne’e mak estrutura Estadu ne’ebé iha tiha ona, entaun ida ne’e la influensia ba estrutura ki’ik ka bo’ot,” katak Francisco Branco.

“VII Governu ne’e, konserteja inkluzivu, Governu inkluzivu ho situasaun minoria Parlamentar ne’e, atu bele iha estabilidade Governativa. Laiha regra ida atu dehan labele inkluzivu, tomada de posse ba membru VII Governu ne’e, sei to’o dala tolu, tanba VII Governu ne’e nakloke hela,”relata Francisco Branco.

Tanba ne’e, Branco dehan, lideransa tuan sira-nia partisipasaun iha VII Governu ne’e, importante atu  hatudu dalan ba jerasaun foun sira hodi hatutan ba oin.

Nia afirma, kontribuisaun lider istóriku sira hanesan, Xanana Gusmão, Ramos Horta, Taur Matan Ruak no Francisco Guterres ‘Lu-Olo’, importante tebes ba prosesu dezenvolvimentu Timor Leste, hodi hametin liu tan valor sira iha tempu rezistensia, hodi jerasaun foun sira aban bainrua bele hatutan de’it.

“Alkatiri, Xanana Gusmão no Taur Matan Ruak kontaktu malu hela de’it, ita espera katak, parte hotu bele simu, tanba ita hatene katak, projetu bo’ot tasi mane se mak dezeña, se mak negosia fronteira marítima, entaun sira-nia partisipasaun importante,”relata Branco.

Antes ne’e, Prezidenti Repúblika fo ona pose dala uluk ba membru VII Governu iha Palasiu Nobre, Lahane, Dili, iha faze daruak sei hala’o ohin Tersa, no sei iha tan faze ikus, maibe seidauk determina nia tempu.cos

 


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker