Orsamentu Jeral Estadu (OJE) ba tinan 2019, Parlamentu Nasional propoin millaun US$ 16.1, no orsamentu ida ne’e, inklui ona ho sosa kareta 48 ba deputadu foun sira.
Prezidenti Parlamentu Nasional Sesta (26/10), partisipa iha reuniaun Komite Revizaun Orsamental hodi aprezenta orsamentu PN nian ba tinan 2019, no hafoin aprezenta, Prezidenti Parlamentu Nasional informa ba jornalista sira katak, orsamentu parlamentu nian ba tinan 2016 nia montante millaun US$ 16.1.
“Ami mai haree kona ba orsamentu privativu parlamentu nasional nian, ha’u lori tékniku sira mai atu haree ba orsamentu 2019 nian. Ho tetu orsamentu 2019, parlamentu nasional iha millaun US$ 16. 1. Ida ne’e tanba ita hotu hakarak poupa para fó prioridade ba asuntu dezenvolvimentu nasional, ami koko redus nesesidade parlamentu nasional nian, hodi fó ba governu atu bele halo planu ba dezenvolvimentu”, informa Arão Noe ba jornalista sira iha Ministériu Finansa, Aitarak Laran, Dili.
“Ida ne’e aprova tiha ona iha plenária semana liu ba, no hatete katak, hola de’it kareta foun ba deputadu eleitu ba Kinta lejislatura, deputadu sira ne’ebé mai husi Terseira lejislatura ne’e, sira uza nafatin kareta prado ne’e”,katak Arão Noe.
Nia afirma, desizaun ida ne’e Parlamentu Nasional foti, tanba eis deputadu terseira lejislatura nian balun mak seidauk entrega fali kareta to’o agora.cos
