GMN TV Politika Alkatiri aprezenta relatóriu ZEESM ba Governu

Alkatiri aprezenta relatóriu ZEESM ba Governu

0 views

Prezidenti Autoridade Zona Espesial Ekonomia Sosial Merkadu (ZEESM), Marí Alkatiri, Kuarta (03/10/18), aprezenta relatóriu ZEESM ba Primeiru Ministru (PM), Taur Matan Ruak, kona-ba sersvisu ne’ebé nia hala’o durante ne’e iha ZEESM iha reuniaun Konsellu Ministru.

Marí Alkatiri, hateten, nia partisipa iha reuniaun Konsellu Ministru ne’e hodi aprezenta relatóriu kona-ba Rejiaun Administrativa Espesial Oe-cusse Ambeno (RAEOA) nian.

“Agora dadauk diskuti orsamentu ba 2019, entaun ami mai aprezenta ami-nia relatóriu, depois desizaun iha Konsellu Ministru”,katak Alkatiri ba jornalista sira iha Palásiu Governu, Kuarta (03/10).

Maibé Alkaitiri dehan, seidauk define orsamentu ba Rejiaun Espesial Oe-cusse Ambeno tinan 2019 ne’e hira, tanba prezensa Alkatiri nian iha Konsellu Ministru ne’e, atu fó informasaun preleminaria no aprezenta relatóriu.

Tuir Alkatiri, iha reuniaun Konsellu Ministru ne’e, sira la ko’alia kona ba Ró Haksolok, tanba Konsellu Ministru la’os fatin atu ko’alia kona-ba ida ne’e.

“Ha’u agora mai Konsellu Ministru, ha’u trata asuntu Konsellu Ministru nian, Ró ne’e trata iha fatin seluk”, relata Alkatiri.

Hanesan píubliku hotu hatene katak, durante tinan ida resin, eis Primeiru Ministru, Marí Alkatiri no Primeiru Ministru, Taur Matan Ruak la ko’alia ba malu, tanba diferensa polítika iha rai laran. Maibe iha reuniaun Konsellu Ministru ne’e, sira nain rua hakoak malu hodi hamnasa ba malu,  bainhira hasoru malu iha Reuniaun Konsellu Ministru ne’ebé hala’o iha Palásiu Governu Kuarta ne’e, hanesan tradisaun Timor nian bainhira hasoru ema ruma sempre hasee malu.

Nune’e mós, Ministru Estadu Prezidensia Konsellu Ministru, Agio Pereira, hateten, Konsellu Ministru rona Prezidenti RAEOA, Marí Alkatiri, nia aprezenstaun kona-ba projetu sira ne’ebé la’o iha Oe-cusse.

“Konsellu Ministru rona Prezidenti RAEOA, Marí Alkatiri, fó relatóriu ida kona-ba ezekusaun orsamental, prosesu aprovizionamentu, grande projetu hanesan eletrisidade, estrada no irigasaun”,informa Agio Pereira.

Tuir Agio, Konsellu Ministru apresia tebes aprezentasaun ne’e, no Konsellu Ministru sei hasoru malu tan ho Autoridade ZEESM hodi rona tan kona-ba área edukasaun no saúde, hodi bele intende didi’ak, lolos no kompletu kona-ba prosesu jestaun Oe-cusse nian.cos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker